Helth सुकमा

हाट-अस्पताल ले होवत हे मरीज मन के उपचार

सुकमा, 26 अप्रैल 2018। मानव जीवन म स्वास्थ्य एक महत्वपूर्ण हिस्सा हे, शासन प्रशासन के संग प्रदेश के नागरिक मन ल बेहतर स्वास्थ्य सुविधा प्रदान करे के प्रयास करे जात हे, इही उदीम मन के तहत् जिला प्रशासन सुकमा कोति ले नवाचार के रूप म जिला के साप्ताहिक हाट-बाज़ार के जघा मन म गांव वाले मन ल बाज़ार के दिन बाज़ारे म स्वास्थ्य सुविधा देहे बर हाट-अस्पताल के संचालन करे जात हे। साप्ताहिक हाट-अस्पताल सुकमा के तीनो विकासखण्ड के 21 बाज़ार के जघा मन म अगस्त 2017 ले सुरू करे गीस अउ अगस्त 2017 ले अभी हाल तक 391 हाट अस्पताल के सम्पादन करे गए हे। जेमां 19 हजार ले जादा ओपीडी, 270 गर्भवती जांच, 95 कुपोषित लइका मन के जांच, 786 मलेरिया के जांच, 572 उल्टी-दस्त संग आन बीमारी मन के परीक्षण करे गए हे।




ये सुविधा पवईया म सुकमा विकासखण्ड के सुकमा, गादीरास, केरलापाल, सोनाकुकानार अऊ बुड़दी, छिन्दगढ़ विकासखण्ड म तोंगपाल, पाकेला, कुकानार, रोकेल, कोडरीपाल, लेदा, छिन्दगढ़, पुसपाल अऊ कोण्टा विकासखण्ड म दोरनपाल, कोण्टा, एर्राबोर, चिन्तागुफा, किस्टाराम, चिन्तलनार, जगरगुण्डा, गोलापल्ली म बाज़ार के दिन स्वास्थ्य शिविर के आयोजन करे जात हे।


मुहाचाही:  पेट के रोग बर रायपुर म सुपर स्पेशयालिटी लिवर क्लिनिक