डॉ. रमन सिंह

सामूहिक आदर्श विवाह हरदिहा साहू समाज के अनुकरणीय पहल: डॉ. रमन सिंह

रायपुर, 30 अप्रैल 2018। मुख्यमंत्री डॉ. रमन सिंह काल बालोद जिला के ग्राम कुलिया (विकासखण्ड-गुरूर) म छत्तीसगढ़ हरदिहा साहू समाज कोति ले आयोजित सामूहिक आदर्श विवाह समारोह म सामिल होइन। मुख्यमंत्री ह माँ कर्मा के फोटू के आघू दीप प्रज्जवलित करके समारोह के शुभारंभ करिन। उमन समारोह म 66 नवविवाहित जोड़ा मन ल सुखी वैवाहिक जीवन बर आशीर्वाद संग शुभकामना दीन। मुख्यमंत्री ह ए आदर्श सामूहिक विवाह समारोह बर हरदिहा साहू समाज प्रशंसा करिन अऊ कहिन कि हरदिहा साहू समाज के ये पहल आन समाज बर घलोक अनुकरणीय हे। आप मन के ये उदीम ले ही राज्य सरकार ल मुख्यमंत्री कन्या विवाह योजना शुरू करे के प्रेरणा मिलीस। ए योजना के तहत अब तक 72 हजार ले जादा बेटी मन के हाथ पिंवरा होए हे।
समारोह ल प्रदेश के महिला अउ बाल विकास अउ समाज कल्याण मंत्री श्रीमती रमशीला साहू ह घलोक सम्बोधित करिन। ए अवसर म राज्य अनुसूचित जनजाति आयोग के अध्यक्ष श्री जी.आर. राना, पूर्व विधायक श्री प्रीतम साहू, श्रीमती कुमारी साहू, श्री विरेन्द्र साहू, गणमान्य नागरिक श्री लेखराम साहू, श्री कृष्णकांत पवार, कलेक्टर डॉ. सारांश मित्तर संग कई ठन विभाग मन के वरिष्ठ अधिकारी उपस्थित रहिन। साहू समाज के बहुत अकन पदाधिकारी, वर-वधु मन के परिजन मन अऊ बड़ संख्या म साहू समाज के गणमान्य नागरिक मन ह सामूहिक आदर्श विवाह म संघर के नव-दम्पत्ति मन ल आशीर्वाद दीन।



यह पूरा समाचार हिन्‍दी में संवाद के बेव साईट में यहां है।

मुहाचाही:  छत्तीसगढ़ के पंचायती राज व्यवस्था सबले जादा जागरूक: डॉ. रमन सिंह