Lok Suraj बृजमोहन अग्रवाल

अफसर मन लउहे करव जनता के काम- बृजमोहन

मठपुरैना के आयोजित समस्या समाधान शिविर म कृषि मंत्री बृजमोहन अग्रवाल ह दीन अफसर मन ल नसीहत।
रायपुर, 26.03.2018। छत्तीसगढ़ सरकार कोति ले चलाए जात लोकसुराज अभियान के तहत, नगर निगम क्षेत्र जोन-6 के समस्या  समाधान शिविर आज मठपुरैना सामुदायिक भवन म आयोजित होइस।
ए अवसर म पहुंचे प्रदेश के कृषि सिंचाई मंत्री बृजमोहन अग्रवाल ह समस्या मन के समाधान बर लगे राजस्व, स्वास्थ, लोकनिर्माण, नगर निगम, श्रम, खाद्य, पीएचई आदि विभाग मन के लगे स्टॉल मन के अवलोकन करिन। श्री अग्रवाल स्वास्थ्य विभाग के स्टॉल म घलोक गीन अऊ अपन ब्लड टेस्ट कराइन।

उमन अपन समस्या अउ मांग मन ल लेके पहुंचइया क्षेत्र के नागरिक मन ले घलोक रूबरू होइन। समाधान शिविर म राशन कार्ड बनवाए, मजदूरी कार्ड बनवाए अउ प्रधानमंत्री आवास पाए बर जादा आवेदन आए हे। अवलोकन के समय राशन कार्ड अउ मजदूरी कार्ड बनाए म विभागीय लेटलतीफी के बात आघू आए म श्री अग्रवाल ह अफसर मन ल समझाईस दीन अऊ कहिन कि जनहित के काम मन कोनो लापरवाही नइ होना चाही। मनखे के आवेदन म का कमी हे ये बात ओला तुरंते बताए जाए न कि ओला हफ्तों चक्कर कटवाके। श्री अग्रवाल ह कहिन कि गरीबी रेखा के सूची, जनगणना के आंकड़ा सबकुछ आप मन तीर मौजूद हे, अइसे म दस्तावेजी जांच के नाम म देरी उचित नइ हे। भोली-भाली जनता के एक कदम बढ़के मदद करना चाहि, ये वाले हमर जिम्मेदारी हे।



मुहाचाही:  गांव वाले मन के समस्या मन के होही समाधान - संस्कृति मंत्री श्री बघेल