बृजमोहन अग्रवाल

जल संसाधन मंत्री सामिल होइन पूर्वी राज्य मन के सम्मेलन म : जोरदार ढंग ले रखिन छत्तीसगढ़ के पक्ष

रायपुर, 17 अप्रैल 2018। जल संसाधन मंत्री श्री बृजमोहन अग्रवाल ह काली कोलकाता म आयोजित जल संसाधन मन म पूर्वी राज्य मन के एक दिवसीय क्षेत्रीय सम्मेलन म ओड़िशा अऊ आंध्रप्रदेश के अंतर्राज्यीय सिंचाई परियोजना मन म छत्तीसगढ़ के किसान मन के हित म प्रदेश सरकार के प्रस्ताव मन म तुरंते निर्णय लेहे के मांग करे हे। केन्द्रीय जल संसाधन राज्य मंत्री श्री अर्जुन राम मेघवाल के अध्यक्षता म आयोजित ए सम्मेलन म जल संसाधन मंत्री श्री अग्रवाल ह छत्तीसगढ़ सरकार के पक्ष ल जोरदार ढंग ले रखिन। जल संसाधन मंत्री श्री अग्रवाल ह केन्द्रीय जल आयोग ले प्रधानमंत्री कृषि सिंचाई योजना के तहत चुने गए छत्तीसगढ़ के तीन सिंचाई परियोजना मन म ले केलो वृहद परियोजना के पुनरीक्षित लागत 990 करोड़ 34 लाख रूपिया के स्वीकृति जल्दी देवाए के अनुरोध करे गीस। सम्मेलन म पश्चिम बंगाल अऊ ओड़िशा के जल संसाधन मंत्री सामिल होइन। झारखण्ड अऊ बिहार के जल संसाधन विभाग के प्रतिनिधि घलोक सम्मेलन म मौजूद रहिन।


मुहाचाही:  नेताजी सुभाष मल्टीपरप्स स्टेडियम के निर्माण मई तक होही पूरा