अभिषेक सिंह डॉ. रमन सिंह

कंवर समाज ह छात्रावास बर खरीदिस जमीन : मुख्यमंत्री डॉ. सिंह ह भवन बनाए बर दीस 30 लाख रुपिया

कहिन कंवर समाज कोति ले सामूहिक विहाव के आयोजन के पहल सराहनीय

रायपुर, 21 अप्रैल 2018। मुख्यमंत्री डॉ. रमन सिंह ह राजनांदगांव म कंवर समाज के लइका मन बर छात्रवास बनाए बर तीस लाख रूपिया देहे के घोषणा करे हे। मुख्यमंत्री डॉ. सिंह आज राजनांदगांव जिला के ग्राम रेवाडीह म आयोजित कंवर समाज के कार्यक्रम म सामिल होइन। कार्यक्रम म मुख्यमंत्री ल जानकारी दे गीस कि कंवर समाज ह लइका मन के बेहतर शिक्षा बर राजनांदगांव म सामाजिक सहयोग ले 50 लाख रुपिया सकेल के छात्रावास बर 74 डिसमिल जमीन 50 लाख रुपए म खरीदे हे। मुख्यमंत्री डॉ. रमन सिंह ह कंवर समाज के ए पहल ल अनुकरणीय बतात छात्रावास भवन बर 30 लाख रुपए प्रदान करे के घोषणा करिन। डॉ. सिंह ह कहिन कि शिक्षित समाज ही नेतृत्व करे हे। समाज के मनखे मन ह शिक्षा ल आगू बढ़ाए बर जऊन बड़े पहल करे हे ओखर मैं स्वागत करे हंव। खर्चा वाला बिहाव ले मितव्ययिता कोति बढ़े बर समाज के मनखे मन ह सामूहिक विवाह ल बढ़ावा देहे के जऊन निश्चय करें हें वोकर स्वागत करे जाना चाहिए। मुख्यमंत्री ह कहिन कि बिहाव म मद्यपान उपर प्रतिबंध करे के निर्णय समाज ह लेहे हे। एखरे संगेच बहुत अकन प्रगतिशील काम समाज कोति ले करे जात हे। ये उज्ज्वल भविष्य के रस्‍ता म बड़े कदम हे। मुख्यमंत्री ह अपन संबोधन के शुरूआत कंवर समाज के आराध्य दुल्हा देव अऊ महादेव के स्तुति कर के करिन। उमन कहिन कि ओ मन अपन हर बड़े काम के शुरूआत भोरमदेव के पूजा ले करथें अऊ भोरमदेव उंखर हर संकट हर लेथें। मुख्यमंत्री ह ए अवसर म गांव वाले मन के मांग म आशा नगर म एप्रोच रोड, मुक्तिधाम निर्माण अउ पुलिया निर्माण के स्वीकृति प्रदान करिन।



ए मौका म गृह, जेल अउ लोक स्वास्थ्य यांत्रिकी मंत्री श्री रामसेवक पैकरा ह घलोक समाज के मनखे मन ल संबोधित करिन। उमन कहिन कि शिक्षा ल आगू बढ़ाए म समाज के मनखे मन ह पाई-पाई जोड़के छात्रावास बर पइसा सकेलिन अऊ आज ओकर भूमिपूजन करिन। शिक्षा के पुनीत काम बर अइसन काम बर सामूहिक भागीदारी जुटना बहुत शुभ हे। उमन कहिन कि शिक्षा ही ह समाज ल अंजोर कोति ले जाने वाला साधन ये। एकजुट होके समाज अपन बड़े लक्ष्य पा सकत हे। ए मौका म सांसद श्री अभिषेक सिंह ह कहिन कि कंवर समाज कोति ले शिक्षा बर बड़का काम करे जात हे। शिक्षा ही ह समाज के उवल भविष्य के रद्दा प्रशस्त कर सकत हे। उमन कहिन कि छत्‍तीसगढ़ प्रदेश बने रहिस त ओ समय इहां सिरिफ 13 हजार प्राथमिक स्कूल रहिस, अब प्राथमिक स्कूल मन के संख्या बढ़के 36 हजार ले जादा हो गए हे। उच्‍च शिक्षा म घलोक बड़का काम होए हे। अब साल्हेवारा अऊ मानपुर म घलोक कॉलेज हे। श्री सिंह ह कहिन कि मैं ओडारबांध गए रहेंव उहां 70 साल ले मेला लगत हे। उहां समाज के युवक-युवती परिचय सम्मेलन घलोक होवत रहिस। मनखे मन ह सामुदायिक भवन के माँग रखिन अऊ एक महीना म ही 20 लाख रुपिया के सामुदायिक भवन शासन के तरफ ले स्वीकृत हो गीस।


मुहाचाही:  मुख्यमंत्री ह राष्ट्रपिता महात्मा गांधी के प्रतिमा म करिन माल्यार्पण