कोरबा

केदार अऊ बोधराम ल मिलीस ट्रायसिकल : कलेक्टर जनदर्शन म 137 आवेदन मिलिस

कोरबा 18 जून 18। शहर के पथर्रीपारा निवासी दिब्यांग केदार अऊ चेकपोस्ट भदरापारा बालको के निवासी दिब्यांग बोधराम चौहान बर कलेक्ट्रेट अवइ फायदे वाला रहिस। अपन क्षेत्र के कुछ समस्या मन ल लेके कलेक्टर जनदर्शन म पहुचे केदार अऊ बोधराम ल समाज कल्याण विभाग ह निःशुल्क ट्रायसिकल दीस। प्रभारी कलेक्टर इंद्रजीत सिंह चंद्रवाल ह समाज कल्याण विभाग के माध्यम ले तुरंते ट्राईसिकल प्रदान करिन। निःशुल्क म ट्राय सायकल मिले म खुशी प्रकट करत दुनों दिब्यांग मन ह शासन के प्रति आभार जताइन। कलेक्टर जनदर्शन म आज कुल 137 आवेदन मिलिस। प्रभारी कलेक्टर इंद्रजीत सिंह चंद्रवाल ह शिकायतकर्ता मन के संग कई ठन समस्या मन के निराकरण बर मिले आवेदन मन ल संबंधित विभाग के अधिकारी मन ल भेजिन। उमन जनदर्शन म आए सबो आवेदन मन ल गंभीरता ले निराकृत करे के निर्देश दीन। जनदर्शन म सीमांकन, जमीन विवाद, राशन कार्ड म नाम जोड़े, पेंशन देवाए, स्कूल म प्रवेश, बीमारी ले उपचार, हितग्राही कार्ड बनाए संग आन आवेदन मिलिस। उमन सबो आवेदन मन के आनलाइन एण्ट्री करके समय सीमा के भीतर निराकरण के निर्देश दीन। ए दौरान जिला स्तरीय अधिकारी उपस्थित रहिन।



मुहाचाही:  प्रधानमंत्री के विकास के परिकल्पना म हर गरीब ल मकान, बिजली अऊ इलाज के सुविधा: डॉ. रमन सिंह