केदार कश्यप नारायणपुर

मंत्री श्री कश्यप ह करिन विकास यात्रा के तइयारी मन के समीक्षा

नारायणपुर, 05 मई 2018। आदिम जाति विकास मंत्री श्री केदार कश्यप ह आज कलेक्टोरेट के सभाकक्ष म विकास यात्रा के तइयारी के समीक्षा करिन। उमन अधिकारी मन ल जरूरी दिशा-निर्देश दीन। मंत्री ह कहिन कि ए महीना के 14 तारीक ले मुख्यमंत्री डॉ. रमनसिंह के बड़े आमसभा रखे गए हे। मुख्यमंत्री जनता ल संबोधित करहीं। उमन सुरक्षा के इंतजाम पुख्ता करे के निर्देश दीन। उमन कहिन कि मुख्यमंत्री ल सुने बर दूर-दराज ले अवइया गांव वाले मन ल कोनो असुविधा झन होवय, एकर पूरा ख्याल रखे जाये। विद्युत व्यवस्था अभीचे दुरूस्त कर ले जाए। पेयजल अऊ साफ-सफाई उपर विशेष ध्यान दे जाए। बैठक म पुलिस अधीक्षक श्री जितेन्द्र शुक्ल, मुख्य कार्यपालन अधिकारी जिला पंचायत श्री अशोक चौबे अउ आन जिला अधिकारी उपस्थित रहिन।
मंत्री ह संबंधित अधिकारी मन ल कहिन कि ओ मन पेयजल अऊ साफ-सफाई म विशेष ध्यान देवंय। लोक निर्माण विभाग ल निर्देशित करिन के बे-मौसम बारिश ल ध्यान म रखत वाटर फ्रुप टेंट अऊ मंच व्यवस्था मजबूत रखव। उमन कहिन कि मुख्यमंत्री इहां करीबन दू घंटा रूकहीं अऊ मंझनिया के भोजन घलोक इन्‍हें करहीं। जेखर सेती कैटरिंग व्यवस्था गुणवत्तापूर्ण होना चाही। मुख्य कार्यपालन अधिकारी जिला पंचायत श्री अशोक चौबे ह मंत्री जी ल अवगत कराइन के सबो व्यवस्था मन बर अधिकारी मन के जिम्मेदारी तय कर दे गए हे। एखर बर आदेश घलोक जारी कर दे गए हे।



आज नगरपालिका भवन म विकास यात्रा के समय सबो मोर्चा, प्रकोष्ठ ल अलग-अलग दायित्व अऊ जरूरी दिशा निर्देश दिए गीस। उहां बताए गीस के विकास यात्रा दू चरण म होही पहिली चरण 12 मई ले 11 जून तक 16 अउ दूसर चरण अगस्त 30 सितमबर तक। पहिली चरण 12 मई के दिन दंतेवाडा (बस्तर) ले रमन सिंह के नेतृत्व म यात्रा के शुरूवात होही। नारायणपुर जिला म 14 मई ले यात्रा अउ सभा के माध्यम ले भाजपा सरकार कोति ले कमती समय म करे गए विकास के बारे म बताए जाही जेकर कोनो कल्पना घलोक नइ कर सके रहिन। सुदूर अऊ ग्रामीण अंचल म विकास के बोहावत गंगा ल भाजपा सरकार के योगदान ये। ए यात्रा म जमीनी विकास के काम मन ल जनता के बीच देखाए बताए जाही।
एखर अवसर म स्कूली शिक्षा मंत्री केदार कश्यप पूर्व संगठन महामंत्री वन औषधी बोर्ड के प्रदेश अध्यक्ष रामप्रताप सिंह, सुभाष राव, भाजपा जिलाध्यक्ष नारायण मरकाम, वरिष्ठ भाजपा नेता बृजमोहन देवांगन, गौतम गोलछा, रूपसाय सलाम, जिला पंचायत अध्यक्ष श्रीमती प्रमिला उईके, मंडल अध्यक्ष महेश देवांगन, सुदीप झा, संदीप झा कमलजीत आहूजा, संध्या पवार, बबीता ठाकुर, रीता मंडल, सच्ची देवांगन, प्रभुलाल देवांगन, रजमन कोर्राम, प्रताप मंडावी, रतन सलाम आदि मोर्चा प्रकोष्ठ के अध्यक्ष महामंत्री भाजपा पदाधिकारी अऊ कार्यकर्ता आदि उपस्थित रहिन।


मुहाचाही:  विधानसभा क्षेत्र के दौरा म स्कूल शिक्षा मंत्री श्री केदार कश्यप ह लीस लईका मन संग सेल्‍फी