Desh नई दिल्ली

केन्‍द्रीय पर्यटन मंत्री ह विरासत ल अपनाए बर बनाईस स्‍मारक संगवारी

नर्इ दिल्‍ली, 24 अप्रैल 2018। संस्कृति मंत्रालय अउ भारतीय पुरातत्व सर्वेक्षण (एएसआई) अउ राज्य/केंद्र शासित प्रदेश मन के सहयोग ले पर्यटन मंत्रालय ह आज नई दिल्ली म विरासत ल अपनाए के परियोजना के तीसर पुरस्कार समारोह के आयोजन करिस। परियोजना के चउंथा चरण के अंतर्गत चुने गए एजेंसी मन ल ये आशय के पत्र प्रदान करे गीस। केंद्रीय पर्यटन राज्य मंत्री (स्वतंत्र प्रभार) श्री के. जे. अल्फोन्स ह 22 स्मारक मन बर 9 एजेंसी मन ल ये आशय पत्र प्रदान करिस।
विरासत ल अपनाए के ये परियोजना ह अपन धरोहर अपन पहिचान, 27 सितंबर, 2017 के दिन सुरू करे गए रहिस। एकर लक्ष्य समृद्ध संस्कृति अऊ प्राकृतिक विरासत ल संरक्षित रखना अउ पूरा देश म पर्यटन ल बढावा देना रहिस। ये परियोजना के वेबसाइट के मुताबिक अब तक 195 पजीकरण होए हे जऊन उत्साह वर्धक हे। सरकारी, निजी, विद्यालय अऊ इहां तक के व्यक्तिगत स्तर म घलोक मनखे मन ए योजना म सामिल होए के इच्छा रखत हें। 95 स्मारक मन म पर्यटक अनुकूल सुविधा मन के विकास बर ओवरसाइट एंड विजन समिति ह 31 संभावित स्मारक मित्र मन के चयन करे हे। प्रमुख विरासत स्थल मन म लाल किला, कुतुबमीनार, हम्पी, सुरुज मंदिर, अजंता गुफा, चार मीनार, कांजीरंगा नेशनल पार्क आदि सामिल हे।
कार्यक्रम म पर्यटन मंत्रालय के सचिव श्रीमती रश्मि वर्मा, डीजी पर्यटन श्री सत्यजीत राजन, एडीजी पर्यटन श्रीमती मीनाक्षी शर्मा अउ आन अधिकारी उपस्थित रहिन।


मुहाचाही:  मंदसौर मं शांति, चौहान के अनशन खतम