अमर अग्रवाल रायपुर

खदान प्रबंधन म आई.टी. के उपयोग अऊ खनन क्षेत्र म जल शुद्धिकरण म रिसर्च बर एम.ओ.यू.

रायपुर, 24 अप्रैल 2018। केन्द्रीय इस्पात राज्य मंत्री श्री विष्णुदेव साय के मुख्य आतिथ्य म आज इहां राष्ट्रीय खनिज विकास निगम (एन.एम.डी.सी.) अऊ भारतीय वाणिज्य अउ उद्योग महासंघ (फिक्की) कोति ले आयोजित दू दिवसीय राष्ट्रीय संगोष्ठी के उद्घाटन सत्र म दू एम.ओ.यू. म दस्‍खत करिन। एन.एम.डी.सी. के खदान मन के प्रबंधन म आई.टी. के उपयोग बर एन.एम.डी.सी. अऊ छत्तीसगढ़ इन्फोटेक प्रमोशन सोसायटी (चिप्स) अउ खनन ले प्रभावित जल के शुद्धिकरण म रिसर्च बर एन.एम.डी.सी. अऊ भारतीय प्रौद्योगिकी संस्थान (एन.आई.टी.) के बीच एम.ओ.यू. करे गीस। चिप्स के संग करे गए एम.ओ.यू. म एन.एम.डी.सी. के निदेशक उत्पादन श्री पी.के. सतपथी अऊ चिप्स के मुख्य कार्यपालन अधिकारी श्री एलेक्स पाल मेनन ह अउ एन.आई.टी. के संग करे गए एम.ओ.यू. म एन.एम.डी.से. के संयुक्त संचालक रिसर्च अउ विकास श्री राजेन्द्र कुमार अऊ एन.आई.टी. के अधिष्ठाता डॉ. एस. सान्याल ह हस्ताक्षर करिन। ये राष्ट्रीय संगोष्ठी एन.एम.डी.सी. के हीरक जयंती के अवसर म आयोजित करे गीस।
ए अवसर म छत्तीसगढ़ के वाणिज्य अउ उद्योग मंत्री श्री अमर अग्रवाल, एन.एम.डी.सी. के अध्यक्ष सह प्रबंध निदेशक श्री एन. बैजेन्द्र कुमार, छत्तीसगढ़ वन विभाग के अपर मुख्य सचिव श्री से. के. खेतान, भारत सरकार इस्पात मंत्रालय के संयुक्त सचिव श्री सुनील वर्तवाल अऊ फिक्की माइनिंग कमेटी के अध्यक्ष श्री तुहिन मुखर्जी उपस्थित रहिन।


मुहाचाही:  आतंकवाद विरोधी दिवस म मंत्रालय म अधिकारी मन अऊ कर्मचारी मन ह लीन शपथ