Lok Suraj डॉ. रमन सिंह

मुख्यमंत्री ह रिटायरमेंट के तीर पहुंचे इंजीनियर ले कहिन: आप मन ल अतका जल्दी रिटायर नइ होन दन

रायपुर, 14 मार्च 2018। मुख्यमंत्री डॉ. रमन सिंह प्रदेशव्यापी लोक सुराज अभियान के तहत आज जशपुर जिला के ग्राम पंचायत मुख्यालय खरकट्टा (विकासखंड-पत्थलगांव) म आयोजित समाधान शिविर म अचानक सामिल होइन। एखर बाद उमन बलरामपुर-रामानुजगंज जिला के ग्राम पंचायत मुख्यालय नागरा (विकासखंड-रामचंद्रपुर) म आयोजित समाधान शिविर म घलोक जनता ले मुलाकात करिन। डॉ. सिंह ह दुनों शिविर मन म संबंधित विभाग मन के अधिकारी मन ल बारी-बारी ले मंच म बलाइन अऊ ओ मन ल लोक सुराज अभियान के पहिली चरण म मिले आवेदन मन के निराकरण के कार्रवाई के बारे म जनता के बीच जानकारी रखे के निर्देश दीन।




डॉ. सिंह ह जशपुर जिला के ग्राम खरकट्टा के समाधान शिविर म प्रधानमंत्री सौभाग्य योजना के तहत पत्थलगांव संभाग म मजरा-टोला मन अऊ घर मन के विद्युतीकरण के प्रगति म खुशी जताईन। उमन विद्युत कंपनी के कार्यपालन अभियंता श्री भौमिक ले अवइया जून 2018 तक विद्युतीकरण के लक्ष्य पूरा कर लेहे के जानकारी मिले म उमन उंखर प्रशंसा करिन। श्री भौमिक ह मुख्यमंत्री ल बताइस कि पत्थलगांव विकासखंड के सबो 529 मजरा-टोला मन के विद्युतीकरण जून 2018 तक कर ले जाही।
डॉ. सिंह ह श्री भौमिक ले पूछिन- कतका नौकरी बांचे हे, आप मन के रिटायरमेंट कब हे? श्री भौमिक ह बताइस कि जुलाई 2018 म वो रिटायर हो जाहीं। मुख्यमंत्री विद्युतीकरण के दिशा म श्री भौमिक के काम मन ले अतीक प्रसन्न होइन कि उमन उंखर ले कहिन- सरकार ल आप मन के जइसे मेहनती अऊ कर्त्तव्यनिष्ठ अधिकारी मन के जरूरत हे। आप मन ल हम अतका जल्दी रिटायर नइ होए दन।



मुहाचाही:  राज्यसभा सांसद श्री अमित शाह के भावभीनि बिदाई