Uncategorized

मुख्यमंत्री सामिल होइन कोसमकुंडा समाधान शिविर म

गांव वाले मन ल मिलीस दू करोड़ रूपिया ले जादा के विकास काम मन के सौगात
रायपुर 19 मार्च 2018। मुख्यमंत्री डॉ. रमन सिंह प्रदेशव्यापी लोक सुराज अभियान के तहत आज बलौदाबाजार जिला ग्राम कोसमकुंडा (विकासखंड बिलाईगढ़) म समाधान शिविर म अचानक पहुंचिन अऊ उहां लगभग दू करोड़ रूपिया के कई ठन विकास काम मन के सौगात दीन।
मुख्यमंत्री ह गांव वाले मन के मांग म ग्राम सेंदूरस म 48 लाख रूपिया के लागत ले नलजल योजना अऊ पानी टंकी बर ग्राम कोट 32 लाख रूपिया अऊ बालपुर म 35 लाख रूपिया के मौकाच म स्वीकृति दीन। उमन कोटाडी – साहेवाना मार्ग निर्माण बर 50 लाख रूपिया, लखरीडीह (कोसमकुंडा) म 6.50 लाख रूपिया के लागत ले नवा आंगनबाड़ी भवन, साल्हेवना ले जैतपरु (कोसमकुंडा) म सीमेंट कांक्रीट सड़क निमार्ण बर 10 लाख रूपिया, ग्राम पंचायत मोहतरा म विद्युत ट्रांसफार्मर शिफ्ट करे बर 5 लाख रूपिया, ग्राम कोसमकुंडा म ही चेकडेम निर्माण बर 9 लाख रूपिया ग्राम अऊ कोसमकुंडा कलस्टर म पेयजल बर 10 हेण्ड पम्प लगाय के स्वीकृति दीन।
ए अवसर म विधानसभा क्षेत्र बिलाईगढ़ के विधायक श्री सनम जांगड़े, मुख्य सचिव श्री अजय कुमार सिंह मुख्यमंत्री के विशेष सचिव श्री मुकेश बंसल संग बड़ संख्या म ग्रामीणजन उपस्थित रहिन।



मुहाचाही:  मुख्यमंत्री ह क्रिकेट खेल के करिस मिनी स्टेडियम के लोकार्पण