किसान

कृषि छात्र मन ह जानिन अमरीका म उच्‍च शिक्षा अऊ रोजगार के संभावना

रायपुर, 15 मार्च 2018। इंदिरा गांधी कृषि विश्वविद्यालय के प्लेसमेन्ट सेल कोति ले कृषि विज्ञान, उद्यानिकी अऊ कृषि अभियांत्रिकी के पढ़ईया लईका मन बर संयुक्त राज्य अमेरिका म उच्‍च शिक्षा, छात्रवृत्ति अऊ रोजगार के अवसर मन उपर एक दिन के कैरियर परामर्श कार्यशाला के आयोजन करे गीस। ए कार्यशाला म रायपुर, दुर्ग, राजनांदगांव, कवर्धा, बिलासपुर, रायगढ़, अम्बिकापुर, जगदलपुर अऊ दंतेवाड़ा जिला मन के एक हजार ले जादा विद्यार्थी सामिल होइन। कार्यशाला म कृषि विज्ञान, उद्यानिकी अऊ कृषि अभियांत्रिकी म स्नातक उपाधि के बाद संयुक्त राज्य अमेरिका के कई ठन विश्वविद्यालय मन म उच्‍च शिक्षा पाठ्यक्रम मन म प्रवेश के अवसर, छात्रवृत्ति बर आवेदन अउ उहां रोजगार के संभावना मन के बारे म विस्तार ले जानकारी दे गीस।



मुहाचाही:  कृषि विकास म छत्तीसगढ़ ह फेर फहराइस परचम