Lok Suraj डॉ. रमन सिंह

मुख्यमंत्री ह कृषि यंत्र सेवा केन्द्र स्थापना बर हितग्राही मन ल दीन अनुदान

रायपुर, 01 अप्रैल 2018। मुख्यमंत्री डॉ. रमन सिंह ह काल प्रदेशव्यापी लोक सुराज अभियान के समापन अवसर म जिला मुख्यालय राजनांदगांव म आयोजित समारोह म कृषि विभाग के योजना के तहत जिला के तीन हितग्राही मन ल कृषि यंत्र सेवा केन्द्र स्थापना बर दस लाख रूपिया के अनुदान सौंपिन। ये अनुदान सहायता, ए हितग्राही मन ल हार्वेस्टर, ट्रेक्टर, पैडी-ट्रांसप्लांटर, मल्चर अऊ आन उपकरण मन बर मंजूर बर देहे गए हे। मुख्यमंत्री ह ए हितग्राही मन ल बधाई अऊ शुभकामना दीन। उमन समारोह म कृषि यांत्रिकीकरण सब-मिशन योजना के तहत दू हितग्राही मन ल ट्रेक्टर घलोक दीन। समारोह म लोकसभा सांसद श्री अभिषेक सिंह, राज्य भण्डार गृह निगम के अध्यक्ष श्री नीलू शर्मा, समाज कल्याण बोर्ड के अध्यक्ष श्रीमती शोभा सोनी, बीस सूत्रीय कार्यक्रम समिति के उपाध्यक्ष श्री खूबचंद पारख अऊ कई ठन संस्थाओं के पदाधिकारी अउ बहुत अकन वरिष्ठ जनप्रतिनिधि घलोक उपस्थित रहिन।



मुहाचाही:  नक्सल हमला: मुख्यमंत्री ह लीन आपात बैठक