राजेश मूणत रायपुर

लोक निर्माण मंत्री श्री मूणत ह करिस पांच करोड़ के निर्माण कार्य मन के लोकार्पण-भूमिपूजन

रायपुर, 10 जुलाई 2018। लोक निर्माण मंत्री श्री राजेश मूणत ह आज राजधानी रायपुर के तीन वार्ड मन म करीबन पांच करोड़ रूपिया के राशि के विकास काम मन के लोकार्पण अउ भूमिपूजन करिन। एमां शहीद चुड़ामणी नायक वार्ड म दू करोड़ 34 लाख रूपिया, ठाकुर प्यारेलाल वार्ड म सवा करोड़ रूपिया अऊ रामसागर पारा वार्ड म एक करोड़ पांच लाख रूपिया के लागत के सड़क, नाली निर्माण अउ बिजली अऊ पेयजल संबंधी विकास काम सामिल हे। ए दौरान श्री मूणत ह शहीद चुड़ामणी नायक वार्ड म उद्यान विकसित करे के घोषणा करिन। उमन ये घलोक बताइन के ए वार्ड म स्थित आमा तालाब के सौन्दर्यीकरण एक करोड़ चार लाख रूपिया के राशि ले करे जाही।




लोक निर्माण मंत्री श्री मूणत ह तीनों वार्ड मन म आयोजित कार्यक्रम ल सम्बोधित करत कहिन कि राजधानी रायपुर के पूरा विकास बर ए हर एक वार्ड के विकास म विशेष जोर देहे जात हे। एखर तहत नागरिक मन ल सहजता ले सुविधा के उपलब्धता बर वार्ड मन म सीसी रोड, बिजली, पानी अउ नाली निर्माण आदि ले संबंधित काम तेजी ले कराए जात हे। उमन शहर के विकास बर होवत काम मन म नागरिक मन ल घलोक अहम भागीदारी निभाए के आव्हान करे गीस। श्री मूणत ह ए दौरान मनखे मन के उत्थान बर सरकार कोति ले चलाए जात कई ठन जनकल्याणकारी योजना मन के बारे म जानकारी दीन अऊ ओखर जादा ले जादा लाभ उठाए बर कहिन। उमन अभी हाले म शहर के कई ठन वार्ड मन म मुख्यमंत्री स्वास्थ्य सुरक्षा बीमा योजना के तहत स्मार्ट कार्ड, मुख्यमंत्री खाद्यान्न सुरक्षा योजना के तहत राशनकार्ड अऊ श्रमिक कार्ड बर शिविर मन के आयोजन अऊ इनकर वितरण के बारे म घलोक बताइन।




कार्यक्रम म नगर पालिक निगम रायपुर के महापौर श्री प्रमोद दुबे ह सम्बोधित करत कहिन कि नगर के वार्ड मन के विकास बर सरलग काम होवत हे। एला अच्छा पहिचान देहे बर हर नागरिक ल आगू आना होही। ए दौरान कार्यक्रम ल नगर पालिक निगम रायपुर के सभापति श्री प्रफुल्ल विश्वकर्मा, पार्षदगण श्रीमती मीनल चौबे, श्रीमती संध्या दिनेश शर्मा, श्री दिलीप यदु अउ श्री आशीष अग्रवाल ह घलोक सम्बोधित करिन अऊ नगर म तेजी ले होवत विकास काम मन के सराहना घलोक करिन। ए अवसर म रायपुर विकास प्राधिकरण के उपाध्यक्ष श्री गोवर्धन खण्डेलवाल अऊ पार्षदगण श्री सूर्यकांत राठौर, श्री सतनाम सिंह पनाग अउ बड़ संख्या म नागरिक मन उपस्थित रहिन।

मुहाचाही:  बुद्ध जयंती के अवसर म होइस कइ ठन कार्यक्रम के आयोजन