Lok Suraj रामसेवक पैकरा

मनखे मन के समस्या मन ल जाने के अभियान ये लोक सुराज – श्री पैकरा

अम्बिकापुर 13 मार्च 2018। प्रदेश के गृह जेल अउ लोक स्वास्थ्य अउ जिला के प्रभारी मंत्री श्री रामसेवक पैकरा काल प्रदेश व्यापी लोक सुराज अभियान के तीसर चरण के तहत जनपद पंचायत अम्बिकापुर अंतर्गत ग्राम पंचायत नवानगर म आयोजित समाधान शिविर म सामिल होइन। उमन शिविर ल सम्बोधित करत कहिन कि आप मन के सरकार आप मन के दुवार के तर्ज म मनखे मन के समस्या मन के समाधान के जानकारी स्थानीय स्तर म ही दे बर समाधान शिविर मन के आयोजन करे जात हे। ये समाधान शिविर पूरा प्रदेश के हरेक जिला म आयोजित करे जात हे।




श्री पैकरा ह कहिन कि पहिली के सरकार कोति ले ए प्रकार के कोनो शिविर के आयोजन नइ करे जात रहिस फेर डॉ. रमन सिंह के सियानी म प्रदेश सरकार ह मनखे मन के समस्या मन अऊ मांग मन उपर गंभीरता ले विचार करे बर लोक सुराज अभियान के शुरूआत करे गए हे। उमन कहिन कि लोक सुराज अभियान के पहिली चरण म मनखे मन ह अपन समस्या अऊ मांग मन के संबंध म अपन-अपन ग्राम पंचायत मन म आवेदन जमा कराए रहिन, वो आवेदन मन के निराकरण के जानकारी अभियान के तीसर चरण म समाधान शिविर के माध्यम ले मनखे मन ल देहे जात हे। श्री पैकरा ह कहिन कि लोक सुराज म मनखे मन के समस्या मन के समाधान तो करेच जात हे। एखर संगेच ऊंखर मांग मन ल घलोक यथासंभव पूरा करे जात हे। उमन कहिन कि किसान मन के खेत मन म डबरी अउ कुऑ निर्माण के संगेसंग जमीन समतलीकरण के काम स्वीकृत करे जात हे। श्री पैकरा ह मनखे मन ले अपील करत कहिन कि कुऑ, डबरी अउ जमीन समतलीकरण के कार्य मन ल ईमानदारीपूर्वक करावंय, ताकि अच्‍छा तरीका ले खेती के काम कर के उत्पादन म बढ़ोतरी हो सकय।
ए अवसर म अपर कलेक्टर श्री निर्मल तिग्गा, अकतहा पुलिस अधीक्षक श्री आर.के. साहू, अम्बिकापुर के अनुविभागीय दण्डाधिकारी श्री अजय त्रिपाठी, जिला खाद्य अधिकारी अउ जिला स्तरीय नोडल अधिकारी श्री रविन्द्र सोनी संग आन अधिकारी अउ कर्मचारी अउ बड़ संख्या म ग्रामीणजन उपस्थित रहिन।



मुहाचाही:  मुख्यमंत्री हर लइका मन के संग पंगत मं बैठके करिन भोजन : रसोईया ल दीस इनाम