Lok Suraj डॉ. रमन सिंह

मुख्यमंत्री ह करिस लुण्ड्रा म कॉलेज खोले के घोषणा : अवइया बजट म सामिल करबोन

डॉ. रमन सिंह अचानक पहुंचिन ससौली के समाधान शिविर म
कोटीनाला म पुल निर्माण बर 15 लाख, ससौली म महिला मंगल भवन बर 8 लाख रूपिया तुरंते मंजूर
लुण्ड्रा, मैनपाट, बतौली अऊ सीतापुर विकासखण्ड मन म जल्द दूर होही कम वोल्टेज के समस्या

काली के बांचे समाचार। मुख्यमंत्री डॉ रमन सिंह ह सरगुजा जिला के विकासखण्ड मुख्यालय लुण्ड्रा म शासकीय कॉलेज खोले के घोषणा करे हें। उमन कहिन के ए कॉलेज के प्रस्ताव अवइया बजट म सामिल करे जाही। मुख्यमंत्री ह आज मंझनिया प्रदेशव्यापी लोकसुराज अभियान के तहत सरगुजा जिला के ससौली (विकासखण्ड-लुण्ड्रा) म आयोजित समाधान शिविर म ये घोषणा करिन। डॉ. सिंह ए शिविर म हेलीकॉप्टर ले अचानक पहुंचिन। उहां उमन ससौली क्लस्टर के गांव मन के गांव वाले मन ले मिले आवेदन मन म करे गए कार्रवाई के जानकारी प्राप्त करिन। गांव वाले मन मुख्यमंत्री ले विकासखण्ड मुख्यालय लुण्ड्रा म शासकीय महाविद्यालय खोले के मांग करे गइस, जऊन म उमन अपन सहमति प्रदान करिन। उमन शिविर म कई ठन हितग्राहीमूलक योजना मन के तहत सामान आदि के घलोक वितरण करिन।



मुहाचाही:  मुख्यमंत्री ह डीएव्ही स्कूल के प्रतिभाशाली पढ़ईया लईका मन ल करिन सम्मानित