Yojana

महादेवघाट के सौंदर्यीकरण : करीबन 900 मीटर म सुन्‍दर उद्यान विकसित

लक्ष्मण झूला के निर्माण आखरी चरण म
रात म दिखथे महादेव घाट के सुग्‍धर नजारा

रायपुर,4 अपरेल 2018। राजधानी रायपुर के नजदीक महादेवघाट के खूबसूरती म चार चांद लग गए हे। महादेवघाट म दुर्ग जिला के छोर म रिवर फ्रन्ट म करीबन 900 मीटर लंबा उद्यान विकसित कर लेहे गए हे। घाट म लक्ष्मण झूला के निर्माण घलोक आखरी चरण म हे। रात म जब पूरा उद्यान अऊ लक्ष्मण झूला म बिजली के रंग-बिरंगी रोशनी रहथे, तब महादेवघाट के खूबसूरती देखतेच बनथे। जल संसाधन मंत्री श्री बृजमोहन अग्रवाल ह आज इहां बताइस कि महादेवघाट के सौंदर्यीकरण अऊ लक्ष्मण झूला बनाए के काम जल संसाधन विभाग कोति ले करे जात हे। करीबन छै करोड़ 10 लाख रूपिया के लागत ले 150 मीटर लक्ष्मण झूला बनाए गए हे। ये मां ले 90 मीटर के हिस्सा सस्पेंशन होही। बारिश म लक्ष्मण झूला के अलगे आनंद रहिही। उमन बताइस कि लक्ष्मण झूला के काम अवइया 10 दिन म पूरा कर ले जाही।



श्री अग्रवाल ह बताइस कि दुर्ग जिला के हिस्सा के रिवर फ्रंट म 900 मीटर म उद्यान बनके तइयार हे। उद्यान म पेडस्टेन ट्रेक, एक्वाप्रेशर ट्रेक अऊ गोल्फकार्ट ट्रेक बनाय गए हे। उद्यान म लइका मन के मनोरंजन बर कई प्रकार के झूलना लगाए गए हे। एक कैफेटेरिया के निर्माण घलोक उहां पर्यटक मन के सुविधा बर करे गए हे। व्‍यायाम अऊ योगाभ्यास बर अलग-अलग ट्रेक बने हे। उद्यान के मुहड़ा म कैलाश गुफा के प्रतिकृति हे। पर्यटक कैलाश गुफा ले होके उद्यान म पहुंचें जाही।


मुहाचाही:  सौर सुजला योजना ले बदलत हे किसान मन के तकदीर