डॉ. रमन सिंह रायपुर

श्रमवीर मन के खुशहाली बर सरकार वचनबद्ध: डॉ. रमन सिंह

मुख्यमंत्री ह मई दिवस म मेहनतकश मन ल दीन बधाई

रायपुर, 1 मई 2018। छत्तीसगढ़ के मुख्यमंत्री डॉ.रमन सिंह ह आज एक मई के दिन अंतर्राष्ट्रीय श्रमिक दिवस (मई दिवस) म सबो मेहनतकश मन ल हार्दिक बधाई देहे हें। डॉ. सिंह ह छत्तीसगढ़ के लाखों श्रमवीर मन के सामाजिक-आर्थिक बेहतरी अऊ खुशहाली बर अपन सरकार के वचनबद्धता ल दुहरात सबो श्रमिक मन ल सुखमय अऊ उज्ज्वल भविष्य के कामना करे हें।




मुख्यमंत्री ह आज इहां जारी शुभकामना संदेश म कहिन के दुनिया के कोनो देश या राज्य के तरक्की अऊ जनता के खुशहाली म श्रमवीर मन के सबले बड़े योगदान होथे। श्रमवीर मन के पसीना ले ही खेत लहलहाथे, कारखाना मन म जनता के सुख सुविधा के जिनिस बनथे, यातायात बर लम्बा-चौड़ा सड़क मन बनथे, रेलमार्ग बनथे, ऊंच-ऊंच भवन बनथे। उमन कहिन कि ए बात ल ध्यान म रखके छत्तीसगढ़ सरकार ह घलोक राज्य के लाखों मेहनतकश मजदूर मन के सामाजिक- आर्थिक बेहतरी बर कई महत्वपूर्ण कदम उठाए हे। पाछू चौउदा बछर म ऊंखर बर कई कल्याणकारी योजना शुरू करे गए हे। डॉ. सिंह ह कहिन कि ए साल ले हमन तेंदूपत्ता श्रमिक मन के मजदूरी प्रति मानक बोरा 1800 रुपिया ले बढ़ाके ढाई हजार रुपए कर देहे हे, जऊन देश के कोनो राज्य के तुलना म सबले जादा हे।


मुहाचाही:  मुख्यमंत्री ले छत्तीसगढ़ शिक्षक महासंघ के प्रतिनिधि मंडल ह करिस मुलाकात