रायपुर

मिर्जा एजाज बेग ल जनम दिन म बहुत अकन मनखे मन ह दीन बधाई

रायपुर, 1 मई 2018। छत्तीसगढ़ मदरासा बोर्ड के अध्यक्ष श्री मिर्जा एजाज बेग ल आज ऊंखर जन्म दिवस के मौका म बहुत अकन मनखे मन ह अपन बधाई अउ शुभकामना दीन। कई ठन मदरसा संचालक मन ह हजरत सैय्यद शेर अली आगा रहमतुल्लाह अलैह के मजार म चादर चढ़ाके दुआ मांगिन। जुन्ना पुलिस मुख्यालय परिसर स्थित मदरसा बोर्ड के कार्यालय म दिन भर मनखे बधाई देवत रहिन। ए अवसर म बोर्ड के अधिकारी मन अउ कर्मचारी मन ह उंकर जनमदिन म मुबारकबाद दीन। श्री बेग ह अधिकारी मन, कर्मचारि मन अऊ उपस्थित मनखे मन के बीच केक काटके अपन जनम दिन मनाइन। ए अवसर म मदरसा बोर्ड के सदस्य श्री साजिद पठान, श्री पी.पी. द्विवेदी, श्री सतीश शर्मा, श्री सुकनवर हुसैन, श्री अकरम बेग, श्रीमती अख्तर खान, श्रीमती अफरोज बेगम, डॉ. शबा परवीन संग बड़ संख्या म मनखे उपस्थित रहिन।


मुहाचाही:  छत्तीसगढ़ म जीत के चौका लगाही भाजपा- बृजमोहन