अजय सिंह

मुख्य सचिव ह राज्य म निर्मित आवासीय प्रकोष्ठ भवन मन के करिन समीक्षा

राजनांदगांव म शासकीय महाविद्यालय बर 15 करोड़ 70 लाख रूपिया ले जादा लागत के 163 आवासीय भवन बने हे

रायपुर, 1 मई 2018। मुख्य सचिव श्री अजय सिंह ह आज इहां मंत्रालय म एक उच्‍च स्तरीय बैठक म राज्य म कई ठन विभाग मन बर छत्तीसगढ़ गृह निर्माण मंडल कोति ले निर्मित आवासीय प्रकोष्ठ भवन मन के आवासीय योजना मन के समीक्षा करिन। बैठक म बताए गीस कि राजनांदगांव म अटल विहार योजनांतर्गत शासकीय चिकित्सा महाविद्यालय के अधिकारी कर्मचारी मन के घर बर 15 करोड़ 70 लाख 45 हजार रूपिया के लागत ले 163 भवन बनाए गये हे।




बैठक म बताए कि छत्तीसगढ़ गृह निर्माण मंडल कोति ले नया रायपुर के सेक्टर 29 म आवासीय योजना के तहत कई प्रकार के 728 भवन बनाये गए हे। जेकर कुल लागत 254 करोड़ 85 लाख रूपिया हे। ए भवन मन ल छत्तीसगढ़ शासन के सामान्य प्रशासन कोति ले कर्मचारि मन के घर बर खरीदे जाही। पिरदा रायपुर म 55 करोड़ 22 लाख रूपिया के लागत ले बने कुल 406 भवन मन ल राज्य पुलिस हाऊसिंग कार्पोरेशन ले खरीदे जाही। अइसनहे कोरबा जिला के कटघोरा म दिव्यांग पढ़ईया लईका मन बर आवासीय विद्यालय निर्माण कराए के योजना बनाए गए हे। जेखर कार्य आदेश जारी कर दे गए हे। बैठक म अपर मुख्य सचिव वन श्री सी.के.खेतान, वित्त विभाग के प्रमुख सचिव श्री अमिताभ जैन, सचिव आवास अऊ पर्यावरण श्री संजय शुक्ला, स्वास्थ्य विभाग के सचिव श्रीमती निहारिका बारिक सिंह, सामान्य प्रशासन विभाग के विशेष सचिव रीता शांडिल्य संग लोक निर्माण विभाग, छत्तीसगढ़ गृह निर्माण मंडल अऊ पुलिस हाऊसिंग कार्पोरेशन के अधिकारी मौजूद रहिन।


मुहाचाही:  केन्द्रीय गृहमंत्री श्री राजनाथ सिंह रायपुर पहुंचिन, माना विमानतल म होइस आत्मीय स्वागत