Lok Suraj डॉ. रमन सिंह

मुख्यमंत्री अचानक पहुंचिन ग्राम सेमहरा : चौपाल म कई घोषणा

रायपुर, 12 मार्च 2018। मुख्यमंत्री डॉ. रमन सिंह ह प्रदेशव्यापी लोक सुराज अभियान के तीसर चरण के दूसर दिन आज बिहनिया दंतेवाड़ा ले हेलीकॉप्टर ले रवाना होके आदिवासी बहुल गरियाबंद जिला के ग्राम सेमहरा (विकासखंड-छुरा) म अचानक उतरिन। गांव वाले मन ह लउहे आमा के पेड़ के छांव म चौपाल लगाके उंखर आत्मीय स्वागत करिन। ए मौका म राज्य सरकार के मुख्यमंत्री तीर्थ यात्रा योजना के तहत शिरडी अऊ शनि शिंगनापुर के तीर्थाटन ले लहुटे दू ग्रामीण -सर्वश्री बंशी चंद्राकर अऊ गणेश चंद्राकर ह पलाश के फूल ले मुख्यमंत्री के स्वागत करिन।
डॉ. रमन सिंह ल चौपाल म ये जानकर अड़बड़ खुशी हो गीस कि सेमहरा ग्राम पंचायत के पाछू दू आम चुनाव म गांव वाले मन ह निर्विरोध निर्वाचन करे हें अऊ सरपंच अऊ पंच मन के चुनाव आम सहमति ले होय हे। डॉ. सिंह ह कहिन कि ये गांव वाले मन के बड़ सुघ्‍घर परम्परा हे। राज्य सरकार ह निर्विरोध निर्वाचन वाले ग्राम पंचायत मन ल प्रोत्साहन दे बर पांच लाख रूपिया के अकतहा धन राशि के काम मंजूर करे के प्रावधान हे। मुख्यमंत्री ह कहिन -काबर के ए ग्राम पंचायत के दू चुनाव म निर्विरोध निर्वाचन होय हें। ये खातिर पंचायत ल अकतहा विकास कार्य बर पांच-पांच लाख रूपिया के मान ले दस लाख रूपिया के प्रोत्साहन राशि दे जाही। उमन सेमहरा म अभी हाल सत्र ले शुरू होए शासकीय हाईस्कूल बर भवन निर्माण के स्वीकृति घलोक तुरंते प्रदान कर दीन।



मुहाचाही:  मुख्यमंत्री डॉ. सिंह मोवा स्थित भगवान बालाजी मंदिर के प्राण-प्रतिष्ठा समारोह म सामिल होइन