Lok Suraj डॉ. रमन सिंह

मुख्यमंत्री ल किसान संगवारी ह भेंट करिस पांच कटहल

काली के बांचे समाचार। मुख्यमंत्री डॉ रमन सिंह ल आज सरगुजा जिला के ग्राम ससौली (विकासखण्ड-लुण्ड्रा) के समाधान शिविर के अगला पड़ाव बर रवाना होए के पहिली उहां के एक किसान श्री सुखसागर राम ह पांच ताजा कटहल भेंट करिस। उमन मुख्यमंत्री ल हेलीकॉप्टर तीर पहुंचके कटहल के संग मुनगा घलोक भेंट करिन। सहज-सरल स्वभाव के किसान के ए आत्मीयता ले मुख्यमंत्री अड़बड़ प्रभावित होइन। आप मन जानतेच होहू के छत्तीसगढ़ के सरगुजा अऊ जशपुर के पहाड़ी इलाका मन म कटहल के भरपूर पैदावार होथे। ससौली के किसान श्री सुखसागर राम ह मुख्यमंत्री ल बताइस कि उंखर बाड़ी म कटहल के दू पेड़ हे। एखर अलावा तीन एकड़ खेत घलोक हे, जऊन म ओ ह धान, गन्ना अऊ गेहूं के खेती करथे। श्री सुखसागर ह डॉ. सिंह ल ये घलोक बताइस कि राज्य सरकार ह ओ मन ल ग्राम ससौली म ’किसान मित्र’ के रूप म कृषि विभाग के योजना मन के प्रचार-प्रसार के घलोक जिम्मेदारी देहे हे। डॉ. सिंह ह ए मा खुशी जताइन अऊ किसान संगी ल अपन शुभकामना दीन।



मुहाचाही:  मुख्यमंत्री ह राजधानी ल दीस एक नवा स्टेडियम के सौगात