Lok Suraj डॉ. रमन सिंह

गांव के आकाश म हेलीकाप्टर देखतेच मुख्यमंत्री के स्वागत बर दउडि़न किसान अऊ मजदूर

खेत मन के मेड़ ले चलके मंदिर प्रांगण म लगाईस चौपाल
टुरीझर म तालाब गहरीकरण अऊ सामुदायिक भवन संग कई घोषणा

रायपुर, 19 मार्च 2018। मुख्यमंत्री डॉ. रमन सिंह ह आज प्रदेशव्यापी लोक सुराज अभियान के तहत महासमुंद जिला के गांव टुरीझर (विकासखंड बागबाहरा) पहुंचिन। गांव वाले मन ल अपन गांव के आकाश म जइसनहे मुख्यमंत्री के हेलीकाप्टर दिखिस, किसान, मजदूर अऊ स्थानीय लइका अउ युवा ऊंखर स्वागत बर दउंड परिन। उंखर हेलीकाप्टर एक खेत म उतरिस। मुख्यमंत्री गांव वाले मन के संग खेत के मेड़ ले पैदल चलके तालाब के तीर निर्माणाधीन मंदिर परिसर पहुंचिन जिहां, चौपाल लगिस अऊ गांव वाले मन ले बातचीत के सिलसिला शुरू होइस। क्षेत्रीय विधायक श्री चुन्नीलाल साहू अऊ टुरीझर के आसपास के गांव मन के बहुत अकन पंचायत प्रतिनिधि मन ह मुख्यमंत्री के स्वागत करिन। डॉ. सिंह ह गांव वाले मन के बहुत अकन मांग मन म तुरंते अपन स्वीकृति प्रदान कर दीन।




चौपाल म उमन टुरीझर के तालाब गहरीकरण अऊ सामुदायिक भवन संग टुरीझर ले डोकरपाली सड़क निर्माण के मंजूरी दीन। उमन टुरीझर के पुरानापारा म सी.सी.रोड बर पांच लाख मंजूर कर दीन। संगेच नीचेपारा म घलोक सीसी रोड बनवाए के घोषणा करिन। डॉ. सिंह ह वन परिक्षेत्र अधिकारी ल निर्देश दीन कि टुरीझर वन प्रबंधन समिति ल बांस के विक्रय ले मिलइया लाभांश के राशि 31 मार्च तक प्रदान कर दे जाय। डॉ. सिंह ह पटवारी ल गांव वाले मन बर आमदनी प्रमाणपत्र अऊ जाति प्रमाण पत्र बनवाए टुरीझर म शिविर लगाय के घलोक निर्देश दीन। गांव वाले मन ह ओ मन ल बताइन कि स्वच्छ भारत मिशन के तहत घर मन म निर्मित शौचालय मन म ले कुछ शौचालय मन के राशि बकाया हे। ए म मुख्यमंत्री ह अधिकारी मन ल बकाया राशि के भुगतान 15 दिन के भीतर सुनिश्चित करे के निर्देश दीन। मुख्य सचिव श्री अजय सिंह घलोक चौपाल म मौजूद रहिन। मुख्यमंत्री ह टुरीझर के चौपाल म उचित मूल्य दुकान के सेल्समेन के बारे म गांव वाले मन ले मिले शिकायत ल गंभीरता ले लीन। उमन अधिकारी मन ले कहिन कि सेल्समेन ल तुरंते हटाय जाय अऊ उहां राशन वितरण बर वैकल्पिक व्यवस्था करे जाय। मुख्यमंत्री के आगमन के सूचना मिलतेच महासमुंद कलेक्टर श्री हिमशिखर गुप्ता घलोक उहां पहुंच गे रहिन।



मुहाचाही:  मुख्यमंत्री ह करिस तालाब के निरीक्षण : गहरीकरण बर 15 लाख रूपिया तुरंते मंजूर