Lok Suraj पुन्नूलाल मोहले

आमजन के समस्या मन के निदान अउ गांव मन म स्वराज लाय बर लोक सुराज- श्री मोहले

मुंगेली 14 मार्च 2018। खाद्य नागरिक अउ उपभोक्ता संरक्षण मंत्री श्री पुन्नूलाल मोहले ह प्रदेश व्यापी लोक सुराज अभियान के चौथइया दिन आज बुधवार के दिन मुंगेली विकासखण्ड के ग्राम कारेसरा म आयोजित समाधान शिविर म उपस्थित होइन। उमन मनखे मन ल संबोधित करत कहिन कि आमजन मन के समस्या मन के निदान अउ गांव मन म स्वराज लाय बर लोक सुराज अभियान के आयोजन करे गए हे। छत्तीसगढ़ सरकार कोति ले गांव म गरीब किसान मन के बेहतरी बर बहुत अकन योजना संचालित करे जात हे। शासन के मंशा हे कि हर मनखे ल योजना मन के लाभ मिलय। खाद्य मंत्री ह जमो अधिकारी मन ल बुलाके योजना मन के जानकारी लीन अउ योजना मन के क्रियान्वयन के समीक्षा करिन। उमन अधिकारी मन ले कहिन कि हितग्राहीमूलक योजना मन ल गांव के आखरी छोर के मनखे तक पहुंचावव। समाधान शिविर म मनखे मन ह उत्साह ले हिस्सा लीन। उमन पेयजल, बिजली, सड़क, राशन सामान, निराश्रित पेंशन, मनरेगा के तहत मजदूरी भुगतान, सन्निर्माणी श्रमिक मन के पंजीयन काम आदि के जानकारी लीन।




ए मौका म जिला पंचायत सदस्य श्री अशोक सिंह, पूर्व जिला पंचायत सदस्य श्री मानिक सोनवानी, पूर्व नगर पालिका अध्यक्ष श्री शैलेष पाठक, एसडीएम श्री सुमित अग्रवाल, जनपद पंचायत के मुख्य कार्यपालन अधिकारी सुश्री अनुप्रिया मिश्रा, तहसीलदार श्री अविनाश ठाकुर, श्री मानस प्रताप सिंह, श्री सुनील पाठक, श्री तुलसी साहू, श्री शिवकुमार बंजारा संग आन जनप्रतिनिधि, पंच-सरपंच, जनपद सदस्य, कई ठन विभाग मन के अधिकारी अउ बड़ संख्या म ग्रामीणजन उपस्थित रहिन।



मुहाचाही:  मुख्यमंत्री सामिल होइन भटगांव समाधान शिविर म