Success Stories Success story डॉ. रमन सिंह

बेमचा ग्राम पंचायत ल मिलीस ‘नाना जी देशमुख राष्ट्रीय गौरव ग्राम सभा पुरस्कार’ : मुख्यमंत्री ह दीन बधाई

रायपुर 27 अप्रैल 2018। मुख्यमंत्री डॉ. रमन सिंह ह महासमुंद जिला के बेमचा ग्राम ल ‘नाना जी देशमुख राष्ट्रीय गौरव ग्राम सभा पुरस्कार’ ले सम्मानित होए म बधाई अऊ शुभकामना देहे हें। बेमचा ग्राम पंचायत ल राष्ट्रीय पंचायत दिवस के अवसर म 24 अप्रैल के दिन मध्यप्रदेश के मण्डला म आयोजित समारोह म प्रधानमंत्री श्री नरेंद्र मोदी ह ए राष्ट्रीय पुरस्कार ले सम्मानित करे गीस। मुख्यमंत्री ले आज इहां ऊंखर निवास कार्यालय म बेमचा के सरपंच श्रीमती सावित्री चंद्राकर ह मुलाकात करके ओ मन ल ग्राम पंचायत के ए उपलब्धि के जानकारी दीन। उमन मुख्यमंत्री ल ये घलोक बताइन कि बेमचा ग्राम पंचायत म ग्रामसभा म गांव वाले मन के सहभागिता ले पंचायत के विकास काम मन ले संबंधित सबो निर्णय लेहे जाथे। ग्राम पंचायत कोति ले नशा मुक्ति आंदोलन घलोक चलाय जात हे। करीबन सात हजार जनसंख्या वाले ये ग्राम पंचायत खुले म शौच ले मुक्‍त हे। ए अवसर म पूर्व राज्य मंत्री श्री पूनम चंद्राकर संग ग्राम पंचायत के पंच सर्वश्री दीनबंधु चंद्राकर, रामेश्वर साहू, राजू रात्रे, भागवत चंद्राकर, रामकुमार चंद्राकर, श्रीमती शैलेंद्री ध्रुव, श्रीमती गायत्री कौशिक संग बहुत अकन पंचायत प्रतिनिधि अऊ ग्रामीण बड़ संख्या म उपस्थित रहिन।


मुहाचाही:  गांव के आकाश म हेलीकाप्टर देखतेच मुख्यमंत्री के स्वागत बर दउडि़न किसान अऊ मजदूर