Desh

प्रधानमंत्री श्री नरेन्‍द्र मोदी काली छत्तीसगढ़ आहीं

नई दिल्‍ली, 13 जून, 2018। श्री नरेन्‍द्र मोदी के बेबाईट म देहे ताजा खबर के मुताबिक प्रधानमंत्री श्री नरेन्द्र मोदी 14 जून, 2018 के दिन छत्तीसगढ़ के दौरा करहीं। प्रधानमंत्री श्री मोदी अपन दौरा म आधुनिक अऊ विस्तारित भिलाई इस्पात सयंत्र ल देस ल समर्पित करहीं। भिलाई इस्पात सयंत्र के आधुनिकीकरण म उत्पादन, उत्पाद, गुणवत्ता, लागत, प्रतिस्पर्धा, ऊर्जा दक्षता अऊ पर्यावरण संरक्षण के क्षेत्र म अत्याधुनिक प्रौद्योगिकी के प्रयोग करे गए हे।
प्रधानमंत्री मोदी कार्यक्रम म आईआईटी भिलाई के स्थायी परिसर के आधारशिला घलोक रखहीं। एखरे संग प्रधानमंत्री श्री नरेन्द्र मोदी भारतनेट के दूसर चरण के शुभारंभ करे के अवसर म पट्टिका के अनावरण करहीं। भारत नेट परियोजना म ग्राम पंचायत मन ल भूमिगत आप्टिकल फाइबर नेटवर्क ले संपर्क प्रदान करे जाही। प्रधानमंत्री श्री नरेन्द्र मोदी जगदलपुर अऊ रायपुर के बीच हवाई सेवा के शुभारंभ घलोक करहीं। प्रधानमंत्री कई ठन योजना मन के अंतर्गत लाभकर्ता मन ल लैपटॉप, प्रमाणपत्र अऊ चैक बांटहीं। प्रधानमंत्री मोदी इहां भिलाई म जनसभा ल तको संबोधित करहीं। भिलाई आगमन ले पहिली प्रधानमंत्री श्री नरेन्द्र मोदी नया रायपुर स्मार्ट शहर के दौरा करहीं अऊ एकीकृत नियंत्रण केंद्र के उद्घाटन करहीं।

मुहाचाही:  पीयूष गोयल ह भारतीय रेल म मानवरहित क्रॉसिंग खतम करे बर एक मिशन मोड प्लान करिस समीक्षा