Helth अजय चन्द्राकर

नवा बने 30 बिस्तर शहरी स्वास्थ्य केन्द्र के स्वास्थ्य मंत्री श्री चन्द्राकर ह करिस लोकार्पण

रायपुर, 05 मई 2018। स्वास्थ्य अउ परिवार कल्याण मंत्री श्री अजय चन्द्राकर ह आज इहां गुढियारी म नवा बने 30 बिस्तर के शहरी स्वास्थ्य केन्द्र भवन के लोकार्पण करिरिन। शहर के कन्हैयालाल वार्ड म निर्मित ए स्वास्थ्य केन्द्र के लागत 58 लाख रूपिया हे। ये मां मुख्यमंत्री अस्पताल विकास कोष ले 48 लाख रूपिया अऊ जिला खनिज न्यास निधि ले 10 लाख रूपिया सामिल हे। नगर निगम जोन क्रमांक-एक के जर्जर भवन ले उच्‍च चिकित्सा सुविधा सहित शहरी स्वास्थ्य केन्द्र बनाए के सफलता के कहानी छोटे फिल्म के माध्यम ले मनखे मन ल देखाय गीस। लोकार्पण कार्यक्रम के अध्यक्षता लोक निर्माण मंत्री श्री राजेश मूणत ह करिन।




ए अवसर म दुग्ध संघ के अध्यक्ष श्री रसिक परमार, पार्षद सर्वश्री सूर्यकांत राठौर, श्रीमती नीता अग्रवाल, श्री नागभूषण किशोर, संचालक स्वास्थ्य सेवाएं श्रीमती रानू साहू, नगर निगम रायपुर के आयुक्त श्री रजत बंसल, मुख्य चिकित्सा अउ स्वास्थ्य अधिकारी रायपुर डॉ. एस.के. शाडिल्य संग वरिष्ठ नागरिक अऊ बड़ संख्या म मनखे उपस्थित रहिन।


मुहाचाही:  स्वास्थ्य मंत्री, उच्च शिक्षा मंत्री और महिला और बाल विकास मंत्री ह दुर्ग जिला का डेंगू प्रभावित क्षेत्र मन के करिन दौरा