बृजमोहन अग्रवाल

नवा अनुसंधान, नवाचार अऊ तकनीक मन ल अपनाए ले होगी किसान मन के आय दुगुना: कृषि मंत्री श्री अग्रवाल

  • किसान कल्याण कार्यशाला अउ किसान संगोष्ठी पूरा

रायपुर, 03 मई 2018। कृषि मंत्री श्री बृजमोहन अग्रवाल ह कहिन के छत्तीसगढ़ के किसान कहूं कृषि के क्षेत्र म होवइया नवा अनुसंधान, नवाचार अउ नवीन प्रौद्योगिकी ल अपनावंय त उंखर आय आसानी ले दुगुना हो सकत हे। उमन कहिन कि किसान मन ल सिरिफ अनाज, दलहन अउ तिलहन फसल मन के खेती उपर आश्रित नइ रहि के समन्वित कृषि प्रणाली ल अपनाना होही जेमां बागवानी फसल मन के संगें-संग डेयरी, पोल्ट्री अउ मछली पालन जइसे व्यवसाय घलोक सामिल होथे। श्री अग्रवाल काल इहां सक्षम किसान-समृद्ध भारत कार्यक्रम के तहत कृषि महाविद्यालय रायपुर के सभागार म कृषि अउ जैव प्रौद्योगिकी विभाग छत्तीसगढ़ शासन अउ इंदिरा गांधी कृषि विश्वविद्यालय रायपुर कोति ले संयुक्त रूप ले आयोजित किसान कल्याण कार्यशाला अउ किसान संगोष्ठी ल संबोधित करत रहिन। कार्यक्रम के अध्यक्षता इंदिरा गांधी कृषि विश्वविद्यालय के कुलपति डॉ. एस.के. पाटील ह करिन।




कार्यक्रम म छत्तीसगढ़ राज्य मंडी बोर्ड के प्रबंध संचालक श्री अभिजीत सिंह, संचालक कृषि श्री एम.एस. केरकेट्टा, इंदिरा गांधी कृषि विश्वविद्यालय के संचालक अनुसंधान डॉ. एस.एस. राव अउर संचालक विस्तार सेवाएं डॉ. ए.एल. राठौर संग वरिष्ठ कृषि वैज्ञानिक अउ कृषि विभाग के अधिकारी उपस्थित रहिन।


मुहाचाही:  अध्यात्म के शक्ति जागृत होए ले भारत विश्व गुरू बनही: श्री सतपाल महाराज