डॉ. रमन सिंह

नक्सल चुनौती ले निपटे बर ‘विकास‘ हमर सबले बड़े हथियार : डॉ. रमन सिंह

रायपुर, 30 अप्रैल 2018। मुख्यमंत्री डॉ.रमन सिंह ह कहिन के नक्सल चुनौती के मुकाबला करे बर जनता के सामाजिक-आर्थिक विकास हमर सबले बड़े हथियार हे। उमन आज इहां एक प्राइवेट टेलीविजन समाचार चैनल जी न्यूज के कार्यक्रम म ए आशय के विचार व्यक्त करिन। मुख्यमंत्री ह आयोजक मन कोति ले समाज के कई ठन क्षेत्र मन म सराहनीय काम करत कई मनखे मन ल सम्मानित करिन। विधायक श्री भूपेश बघेल घलोक कार्यक्रम म सामिल होइन।
डॉ. रमन सिंह ह कहिन कि नक्सली मन के खिलाफ देश के सबले बड़े लड़ाई छत्तीसगढ़ के दंतेवाड़ा, बीजापुर अऊ सुकमा म लड़े जात हे। सुरक्षा बल सफलतापूर्वक ओ मन ल सीमित करे के प्रयास करत हे। राज्य सरकार ए इलाका मन म तेजी ले विकास काम मन ल क्रियान्वित करत हे। राष्ट्रीय राजमार्ग दंतेवाड़ा तक पहुंच गए हे। नक्सल प्रभावित जघा मन म अंदर के सड़क मन के निर्माण तेजी ले करे जात हे। करीबन 1800 किलोमीटर सड़क निर्माण के काम प्रगति म हे। बस्तर संभाग के अंदरुनी क्षेत्र मन म बिजली के खम्भा पहुंचत हे। तेजी ले विद्युतीकरण के काम घलोक करे जात हे। शिक्षा, स्वास्थ्य संग सबो क्षेत्र मन म विकास काम मन ले जनता के विश्वास जीते म सफलता मिले हे। अवइया समय म बस्तर म घलोक शांति होही अऊ विकास होही। डॉ. सिंह ह कहिन कि भारत नेट, बस्तर नेट अऊ स्काई योजना के माध्यम ले छत्तीसगढ़ एक नवा युग म प्रवेश करे जात हे।




स्काई योजना म 55 लाख स्मार्ट फोन बांटे जाही, एमां ले 30 लाख मोबाईल फोन अवइया तीन-चार महिना म वितरित कर दे जाही। डॉ. सिंह ह कहिन कि राज्य सरकार कोति ले कृषि उपज मन के लागत मूल्य कम करे के प्रयास ले प्रदेश म किसान मन के आर्थिक स्थित अच्छा हो गए हे। राज्य सरकार ह ए साल किसान मन ल 2100 करोड़ रुपिया के बोनस वितरित करिस। ये बहुत कम मनखे मन के जानकारी म हे के राज्य सरकार किसान मन ल पांच हॉर्स पावर तक के सिंचाई पंप म निःशुल्क 7500 यूनिट बिजली दे बर हर साल 2250 करोड़ रुपिया के सबसिडी देत हे। अनुसूचित जाति अऊ अनुसूचित जनजाति वर्ग के आबादी प्रदेश म करीबन 44 प्रतिशत हे। राज्य सरकार अनुसूचित जाति अऊ अनुसूचित जनजाति वर्ग के किसान मन ल सिंचाई पंप मन बर निःशुल्क बिजली देहे जात हे। ए वर्ग के किसान मन ल बिजली के बिल नइ देना परय। मुख्यमंत्री ह कहिन कि सहकारी बैंक मन के माध्यम ले किसान मन ल देहे जात कृषि ऋण के ब्याज दर 14 प्रतिशत ले घटा के शून्य प्रतिशत कर दे गए हे। विद्युतीकृत सिंचाई पंप मन के संख्या 65 हजार ले बढ़ाके करीबन 4 लाख 20 हजार हो गये हे। समर्थन मूल्य म धान खरीदी के स्थायी व्यवस्था बनाए गए हे।
मुख्यमंत्री ह लोक सुराज अभियान के संबंध म कहिन कि ये अभियान सरकार के योजना मन के क्रियान्वयन के व्यापक सोशल आडिट हे। जेमां सीधा जनता ले रुबरु होके जानकारी लेहे जाथे अऊ समस्या मन के निराकरण अउ गांव मन के जरुरत के काम मन ल स्वीकृति देहे जाथे।


मुहाचाही:  मुख्यमंत्री ह पुसल्दा समाधान शिविर म दीन करीबन 14 करोड़ रूपिया के विकास काम मन के सौगात