Lok Suraj डॉ. रमन सिंह

नक्सल पीड़ित धौड़ाई इलाका म आइस नवा अंजोर : डॉ. रमन सिंह

मुख्यमंत्री अचानक पहुंचिन समाधान शिविर म
महिमा-गवाड़ी के उप-स्वास्थ्य केन्द्र भवन संग कई ठन गांव मन ल निर्माण कार्य मन बर डेढ़ करोड़ ले जादा राशि मंजूर करे के घोषणा

रायपुर, 18 मार्च 2018। लोक सुराज अभियान के तहत मुख्यमंत्री डॉ. रमन सिंह ह आज नक्सल हिंसा पीड़ित नारायणपुर जिला के ग्राम धौड़ाई के समाधान शिविर म अचानक पहुंचके गांव वाले मन, पंच-सरपंच अऊ सरकारी अधिकारी मन अउ कर्मचारी मन ल अचरज म डार दीन। आदिम जाति विकास मंत्री श्री केदार कश्यप ह उहां मुख्यमंत्री के आत्मीय स्वागत करिन। डॉ. रमन सिंह ह शिविर म मनखे मन ल संबोधित करत ए बात म खुशी जताईन के पाछू करीबन तेरा साल म धौड़ाई अऊ तीर-तखार के इलाका मन के हालत बदल गए हे। ये बदलाव अभूतपूर्व हे। डॉ. सिंह ह शिविर म धौड़ाई संग क्षेत्र के कई ठन गांव मन बर एक करोड़ 53 लाख रूपिया ले जादा के निर्माण कार्य मन के तुरंते मंजूरी दे के ऐलान करे गीस। ए अवसर म उमन श्रम विभाग के भगिनी प्रसूता योजना, किसान मन बर संचालित सौर सुजला योजना अउ शासन के कई ठन योजना मन के तहत हितग्राही मन ल अनुदान राशि अऊ सामान आदि के घलोक वितरण करे गीस।



मुहाचाही:  मुख्यमंत्री के संग कटघोरा क्षेत्र के जनता ह शहीद जवान मन ल दीन श्रद्धांजलि