डॉ. रमन सिंह नई दिल्ली

नक्सल प्रभावित क्षेत्र मन म सड़क निर्माण कार्य म आही अऊ तेजी

नई दिल्ली, 24 अप्रैल 2018। मुख्यमंत्री डॉ. रमन सिंह ह आज नई दिल्ली म केन्द्रीय गृह मंत्री श्री राजनाथ सिंह ले मुलाकात करिन। उमन प्रदेश के नक्सल प्रभावित क्षेत्र मन म अधोसंरचना विकास के काम मन म विस्तार ले चर्चा करिन। केन्द्रीय गृह मंत्री ह कहिन कि छत्तीसगढ़ के नक्सल प्रभावित क्षेत्र मन म सड़क निर्माण कार्य मन म अऊ तेजी आही। उमन छत्तीसगढ़ के नक्सल प्रभावित जिला मन म सड़क निर्माण के प्रगति म संतोष व्यक्त करत कहिन कि ए इलाका मन म सड़क निर्माण के काम अऊ तेज करे जाही। उमन कहिन कि अब बस्तर के कोनो इलाका विकास ले अछूता नइ रहिही।
मुख्यमंत्री ह चर्चा के बाद बताइस कि केन्द्रीय गृहमंत्री ह पहिली चरण अऊ दूसर चरण म स्वीकृत सड़क मन के निर्माण के प्रगति के बारे म जानकारी लीन। उमन बताइन कि छत्तीसगढ़ म 11 मई ले चालू विकास यात्रा के चालू घलोक बस्तर के दंतेवाड़ा ले होवइया हे। उमन विकास यात्रा के बारे म घलोक केन्द्रीय गृहमंत्री ल जानकारी दीन अऊ उंखर से आग्रह करिन के ओ मन ए विकास यात्रा के सहभागी बनंय। मुख्यमंत्री ह बताइस कि गृहमंत्री ह कहिन कि ओ मन जरूर छत्तीसगढ़ के ए विकास यात्रा म सामिल होहीं।
मुख्यमंत्री डॉ. रमन सिंह काल नई दिल्ली म केन्द्रीय सड़क परिवहन मंत्री श्री नितीन गड़करी, रेल मंत्री श्री पीयूष गोयल अऊ केन्द्रीय खाद्य अउ नागरिक आपूर्ति मंत्री श्री रामविलास पासवान ले मुलाकात करहीं।


मुहाचाही:  मुख्यमंत्री ले छत्तीसगढ़ भारोत्तोलन टीम करिस सौजन्य मुलाकात