बृजमोहन अग्रवाल

नेताजी सुभाष मल्टीपरप्स स्टेडियम के निर्माण मई तक होही पूरा

कृषि मंत्री श्री अग्रवाल ह करिस जांच
बॉस्केटबॉल, व्हालीबाल अऊ बैडमिंटन कोर्ट घलोक बनाए के निर्देश

रायपुर, 20 मार्च 2018। राजधानी रायपुर के बीच म मोतीबाग के आघू भव्य अऊ आधुनिक सुविधायुक्त नेताजी सुभाष मल्टीपरप्स स्टेडियम के निर्माण मई 2018 तक पूरा हो जाही। अभी हाल म स्टेडियम के निर्माण तेजी ले चलत हे। कृषि मंत्री श्री बृजमोहन अग्रवाल ह आज संझा निर्माणाधीन स्टेडियम के जांच करिस। श्री अग्रवाल ह निरधारित समय तक स्टेडियम के काम पूरा करे के निर्देश अधिकारी मन ल दीन। श्री अग्रवाल ह नरहरेश्वर तालाब सौंदर्यीकरण, सिद्धार्थ चौक ले पचपेड़ी नाका चौक तक सड़क डामरीकरण अऊ सौंदर्यीकरण, महाराजबंद तालाब सौंदर्यीकरण अउ मरवाड़ी श्मशान घाट म होवत निर्माण काम मन के अवलोकन करिन। छत्तीसगढ़ श्रम कल्याण मंडल के उपाध्यक्ष श्री सुभाष तिवारी, नगर निगम रायपुर के जोन क्रमांक-6 के अध्यक्ष श्री सालिक सिंह ठाकुर, रायपुर कलेक्टर श्री ओ.पी. चौधरी संग नगर निगम रायपुर, लोक निर्माण विभाग, वन विभाग अऊ आन विभाग मन के वरिष्ठ अधिकारी ए अवसर म उपस्थित रहिन।



मुहाचाही:  बृजमोहन अग्रवाल ह करिस विकासकार्य मन के जांच