Rajyapal

राज्यपाल श्री टंडन ले भारतीय प्रशासनिक सेवा के परीवीक्षाधीन अधिकारी मन ह करिन सौजन्य भेंट

रायपुर, 13 जून 2018। राज्यपाल श्री बलरामजी दास टंडन ले आज इहां राजभवन म भारतीय प्रशासनिक सेवा के साल 2017 बैच के परीवीक्षाधीन अधिकारी मन ह सौजन्य भेंट करिन। ए अवसर म श्रीमती रेणुजी पिल्ले, महानिदेशक छत्तीसगढ़ प्रशासन अकादमी, श्री राजेश राणा संचालक, प्रशासन अकादमी उपस्थित रहिन।
राज्यपाल श्री टंडन ह परिवीक्षाधीन अधिकारी मन ल हार्दिक शुभकामना देवत कहिन कि आप मन ल जनहित के ये सुअवसर मिलत हे। आप मन हमेशा मेहनत अऊ लगन ले काम करव जऊन दूसर मन बर मिसाल बन सकय। उमन कहिन कि छत्तीसगढ़ संभावना ले भरे प्रदेश हे। इहां कई ठन क्षेत्र मन म काम करे बर बहुत अकन चुनौती घलोक हे, जेला स्वीकार करके जनता के भलाई बर काम करव। उमन कहिन कि काबर कि आप मन अलग-अलग प्रदेश ले हौ, ए खातिर आप मन अपन प्रदेश म जनहित म संचालित होवइया बेहतर योजना मन ल घलोक इहां लागू करे के दिशा म एदीम करव ताकि छत्तीसगढ़ ल आप मन के ज्ञान अऊ कौशल के समुचित लाभ मिल सकय।
परिवीक्षाधीन अधिकारी मन म श्री चन्द्रकांत वर्मा, सहायक कलेक्टर बस्तर, श्री रोहित व्यास, सहायक कलेक्टर राजनांदगांव, श्री आकाश छिकरा, सहायक कलेक्टर सरगुजा, श्री कुणाल दुदावत, सहायक कलेक्टर बिलासपुर, श्री मयंक चतुर्वेदी, सहायक कलेक्टर रायगढ़ संग अकादमी के पाठ्यक्रम संचालक सुश्री सीमा सिंह घलोक उपस्थित रहिन।

मुहाचाही:  राज्यपाल श्री टंडन ले डॉ. वर्मा ह करिन सौजन्य भेंट