अमर अग्रवाल

देश के आर्थिक विकास म खनन अऊ इस्पात उद्योग मन के महत्वपूर्ण भूमिका: श्री विष्णुदेव साय

केन्द्रीय इस्पात राज्य मंत्री श्री विष्णुदेव साय ह कहिन कि देश के आर्थिक विकास म खनन अऊ इस्पात उद्योग मन के महत्वपूर्ण भूमिका हे। श्री साय आज इहां राष्ट्रीय खनिज विकास निगम (एन.एम.डी.से.) अऊ भारतीय वाणिज्य अउ उद्योग महासंघ (फिक्की) कोति ले आयोजित दू दिवसीय राष्ट्रीय संगोष्ठी के शुभारंभ करत ए आशय के विचार व्यक्त करिन। ये संगोष्ठी एन.एम.डी.सी. के हीरक जयंती के अवसर म आयोजित करे गीस। ‘नये परिप्रेक्ष्य में उत्तरदायित्वपूर्ण खनन‘ अउ ‘खनिज समृद्ध राज्य मन म खनन अऊ इस्पात म विकास अऊ निवेश के अवसर विसय उपर आयोजित करे गीस।
संगोष्ठी के शुभारंभ समारोह म छत्तीसगढ़ के वाणिज्य अउ उद्योग मंत्री श्री अमर अग्रवाल, एन.एम.डी.सी. के अध्यक्ष सह प्रबंध निदेशक श्री एन. बैजेन्द्र कुमार, छत्तीसगढ़ वन विभाग के अपर मुख्य सचिव श्री सी.के. खेतान, भारत सरकार इस्पात मंत्रालय के संयुक्त सचिव श्री सुनील वर्तवाल, एन.एम.डी.से. के निदेशक उत्पादन श्री पी.के. सतपथी अऊ फिक्की माइनिंग कमेटी के अध्यक्ष श्री तुहिन मुखर्जी विशेष अतिथि के रूप म उपस्थित रहिन। केन्द्रीय राज्य मंत्री श्री साय ह ए अवसर म एन.एम.डी.सी. कोति ले प्रकाशित एक स्मारिका के विमोचन घलोक करिन। श्री साय ह एन.एम.डी.सी. अऊ फिक्की कोति ले लगाए गए प्रदर्शनी के उद्घाटन घलोक करिन।

मुहाचाही:  खदान प्रबंधन म आई.टी. के उपयोग अऊ खनन क्षेत्र म जल शुद्धिकरण म रिसर्च बर एम.ओ.यू.