डॉ. रमन सिंह

मुख्यमंत्री ह करिस ‘वन टच ट्रक’ मोबाईल एप्लिकेशन के लोकार्पण

रायपुर, 30 अप्रैल 2018। मुख्यमंत्री डॉ.रमन सिंह ह आज इहां ‘वन टच ट्रक’ मोबाईल एप्लिकेशन के लोकार्पण करे गीस। उमन कहिन कि तेजी ले विकसित होत छत्तीसगढ़ राज्य के जरूरत मन ल पूरा करे म ये मोबाईल एप्प अड़बड़ सहायक होही। छत्तीसगढ़ अवइया समय म देश के सबले बड़े लॉजिस्टिक हब के रुप म विकसित होही। उमन ये जानके खुशी जताये हें के ए एप्लिकेशन बर एक बीपीओ घलोक काम करही, जेमां 300 युवा मन ल रोजगार के अवसर मिलही। डॉ. सिंह ह ए मोबाईल एप्लिकेशन के संस्थापक श्री अरुण जैन संग एखर से जुड़े सबो मनखे मन ल बधाई अऊ शुभकामना दीन। ए मोबाईल एप्लिकेशन के मुख्यालय छत्तीसगढ़ के राजधानी रायपुर म होही। कृषि अउ जलसंसाधन मंत्री श्री बृजमोहन अग्रवाल ह शुभकामना देवत कहिन कि आई. टी. के उपयोग ले माल के परिवहन के काम आसान हो जाही। ए अवसर म छत्तीसगढ़ राज्य औद्योगिक विकास निगम के अध्यक्ष श्री छगन लाल मूंदड़ा, रायपुर विकास प्राधिकरण के अध्यक्ष श्री संजय श्रीवास्तव संग बहुत अकन उद्योगपति अऊ प्रबुद्ध नागरिक उपस्थित रहिन।


मुहाचाही:  मुख्यमंत्री डॉ. रमन सिंह नगर माता बिन्नी बाई सोनकर स्‍कूल म