Lok Suraj डॉ. रमन सिंह

लोक सुराज म डॉ. रमन सिंह पढ़ाई के गुणवत्ता घलोक परखत हें

मुख्यमंत्री ह पहली कक्षा के लइका ले 16 के पहाड़ा सुनके भेंट कर इीन अपन कलम
साइकिल मिले म स्कूली बालिका मन ह दीन धन्यवाद
लोक सुराज म मुख्यमंत्री अचानक पहुंचिन कोरिया जिला के ग्राम मेरो

रायपुर, 15 मार्च 2018। मुख्यमंत्री डॉ. रमन सिंह ह प्रदेशव्यापी लोक सुराज के तहत आज कोरिया जिला के ग्राम पंचायत मुख्यालय- मेरो (विकासखंड-खडगवां) के दौरा करिन। उमन कोरबा जिला के ग्राम भैंसामुंडा (विकासखंड-करतला) पहुंचके उहां के समाधान शिविर म घलोक हिस्सा लीन।
मुख्यमंत्री ल ग्राम पंचायत मुख्यालय मेरो (जिला-कोरिया) म अचानक अपन बीच पाके गांव वाले मन म भारी उत्साह देखे गीस। डॉ. सिंह ह उहां के स्कूली लइका मन ले मुलाकात करके आत्मीय बातचीत करिन। मुख्यमंत्री के सहज आत्मीयता ले लइका अऊ ऊंखर अभिभावक अड़बड़ खुश नजर आइन। डॉ. सिंह ह ग्राम पंचायत-मेरो के स्कूल म जाके लइका मन ले मुलाकात करिन।





आप मन जानतेच हवव के मुख्यमंत्री लोक सुराज अभियान म गांव मन के आकस्मिक भ्रमण के समय स्कूली शिक्षा के गुणवत्ता ल घलोक खुदे परखत हें। ओ मन एखर बर स्कूली लइका मन ले मिलके गिनती अऊ पहाड़ा घलोक पूछत हें। ग्राम पंचायत मुख्यालय मेरो के भ्रमण के समय आज उमन प्राथमिक स्कूल के पहली कक्षा के छात्र विकास ले 16 के पहाड़ा सुनके ओला शाबाशी दीन अऊ ए नान्हें लइका के उत्साह बढ़ात ओला पुरस्कार के रूप म अपन पसंद के कलम भेंट कर दीन। मुख्यमंत्री ह जइसनहे ए लइका ले 16 के पहाड़ा पूछिन, ओ हर डॉ. सिंह ल फटा-फट पहाड़ा सुना दीस। ए दौरान उहां के सरकारी हाईस्कूल के 9वीं कक्षा के रामवती, सोनकुंवर, लीलावती, राजकुमारी संग कई बालिका मन ह सरस्वती सायकल योजना के तहत ओ मन ल सरकार कोति ले निःशुल्क सायकल मिले म मुख्यमंत्री ल धन्यवाद दीन। डॉ. सिंह ह बालिका मन ल शुभकामना दीन। आप मन जानतेच हावव के राज्य म सरस्वती सायकल योजना के तहत स्कूल शिक्षा विभाग कोति ले पाछू 14 साल म एक लाख 82 हजार बालिका मन ल निःशुल्क साइकिल देहे गए हे। एखर से प्रदेश के हाईस्कूल मन म दर्ज संख्या 65 प्रतिशत ले बढ़के 101 प्रतिशत हो गए हे।




डॉ. सिंह ह ग्राम मेरो के चौपाल म उहां के सरकारी प्राथमिक स्कूल के नवा भवन निर्माण बर छह लाख रूपिया अऊ हाईस्कूल म टेबल-कुर्सी आदि फर्नीचर बर दू लाख रूपिया अऊ तीरके टिपकापानी नाला म पुलिया निर्माण के स्वीकृति तुरंते प्रदान करे के घोषणा करिन। चौपाल म गांव वाले मन ले चर्चा के समय मुख्यमंत्री ह उहां पड़ोस के कोरबा जिला ले दू पीढ़ी पहिली आके रहइया श्री जयराम गोंड के सुपुत्री कुमारी सुनीता के जाति प्रमाण पत्र जारी करे बर अधिकारी मन ल निर्देश दीन। मुख्यमंत्री ह चौपाल म कई ठन सरकारी योजना मन के प्रगति के घलोक समीक्षा करिन। ग्राम पंचायत मेरो म 106 परिवार मन ल प्रधानमंत्री गृह योजना के तहत मकान निर्माण बर राशि मंजूर करे गए हे। एमां ले 91 मकान मन के निर्माण पूरा हो गए हे।
मुख्यमंत्री ह अधिकारी मन ल ये सुनिश्चित करे के निर्देश दीन कि शेष मकान मन के निर्माण घलोक जल्दी पूरा कर ले जाय। उमन मनरेगा के तहत पंचायत म स्वीकृत 19 कुंवा मन के निर्माण घलोक जल्दी पूरा करे के निर्देश दीन। डॉ. सिंह ह गांव वाले मन ल बताइन कि प्रधानमंत्री योजना के तहत सबो विद्युत विहीन घर मन म बिजली पहुंचाए के काम तेजी ले करे जात हे। सरकार के लक्ष्य हे कि पूरा प्रदेश म हर एक घर बिजली ले रौशन होवय। एखर बर अभियान चलाए जात हे। मुख्यमंत्री ह चौपाल म विद्युत कंपनी के अधिकारी मन ल ए योजना के शत्-प्रतिशत लक्ष्य जल्दी पूरा करे के निर्देश दीन। चौपाल म डॉ. सिंह ह किसान मन अऊ गांव वाले मन के राजस्व अभिलेख मन के नामांतरण, सीमांकन, बंटवारा आदि के मामला के घलोक जानकारी लीन। उमन पटवारी ले कहिन कि अइसन मामला मन के तत्परता ले निराकरण करे जाए। लोक सुराज अभियान के दौरा म मुख्य सचिव श्री अजय सिंह घलोक मुख्यमंत्री के संग रहिन।



मुहाचाही:  मुख्यमंत्री ह करिस चेट्रीचंड्र महोत्सव के पोस्टर के विमोचन