अजय चन्द्राकर रायपुर

पंचायत मंत्री ह सवा करोड़ के 39 विकास काम मन के करिस लोकार्पण अऊ शिलान्यास

रायपुर, 26 अप्रैल 2018। पंचायत अउ ग्रामीण विकास मंत्री श्री अजय चंद्राकर ह कुरूद विकासखण्ड के ग्राम तर्रागोंदी, टिपानी, भेलवाकुदा अऊ पचपेड़ी के सघन दौरा करिन अऊ गांव वाले मन ले मुलाकात करिन। श्री चन्द्राकर ह ए दौरान एक करोड़ 25 लाख रूपिया के 39 विकास काम मन के लोकार्पण अउ शिलान्यास करिन। जेमां ग्राम पचपेड़ी बर एक करोड़ 13 लाख 32 हजार रूपिया के 35 काम अऊ ग्राम टिपानी म 11 लाख 70 हजार रूपिया के दू काम, साढ़े छै लाख रूपिया ले निर्मित शीतला सामुदायिक भवन अऊ 5.20 लाख रूपिया के लागत ले निर्मित सीसी रोड निर्माण शमिल हे। श्री चन्द्राकर ह काल ए मौका म ग्राम पचपेड़ी म महात्मा गांधी अऊ पंडित दीनदयाल उपाध्याय के प्रतिमा के अनावरण घलोक करिन। कार्यक्रम म धमतरी जिला पंचायत के अध्यक्ष श्री रघुनंदन साहू, कुरूद जनपद पंचायत के अध्यक्ष श्रीमती पूर्णिमा साहू, उपाध्यक्ष श्री छत्रपाल बैस, जिला पंचायत सदस्य श्रीमती बबीता जैन घलोक उपस्थित रहिन।


मुहाचाही:  मुख्यमंत्री ह संवाद के नवा भवन म करिन इलेक्ट्रॉनिक मीडिया न्यूज सेंटर के अवलोकन