रायगढ़ विष्णुदेव साय

पंचायती राज व्यवस्था म सरपंच मन के महत्वपूर्ण भूमिका- केन्द्रीय इस्पात राज्यमंत्री श्री साय

रायगढ़, 24 अप्रैल 2018। राष्ट्रीय पंचायती राज दिवस के अवसर म केन्द्रीय इस्पात राज्यमंत्री श्री विष्णुदेव साय आज पालीटेक्निक ऑडिटोरियम म उत्कृष्ट काम करइया पंचायत प्रतिनिधि मन के सम्मान समारोह म सामिल होइन। अपन उद्बोधन म केन्द्रीय इस्पात राज्यमंत्री श्री साय ह कहिन कि पंचायती राज अधिनियम के तहत त्रिस्तरीय पंचायती राज व्यवस्था करे गए हे अउ ग्राम पंचायत मन ल महत्वपूर्ण अधिकार देहे गए हे। पंचायती राज व्यवस्था के तहत सरपंच मन के महत्वपूर्ण भूमिका हे। ग्राम के विकास बर योजना बनाए अउ आन सबो महत्वपूर्ण काम सरपंच, पंच अउ जनप्रतिनिधि मन के संग करे जाथे। जमीनी स्तर म हर योजना के क्रियान्वयन बर राशि प्रदान करे जाथे। उमन सरपंच अउ जनप्रतिनिधि मन ले कहिन कि केन्द्र अउ राज्य शासन के जम्‍मो योजना मन ले ग्रामवासी मन ल लाभान्वित करव। नवा ऊर्जा के संग सरलग काम करत रहव, जेखर से उन्नति के मार्ग प्रशस्त होही। उमन कहिन कि अच्छा काम करे ले अपने आप विकास के रद्दा निकल के आथे अऊ संसाधन घलोक मिल जाथे। उमन सबो सरपंच, पंच अउ सचिव ले बढि़या काम करे के आव्हान करिन।


मुहाचाही:  भारतीय वायु सेना भर्ती रैली 16 मई ले रायगढ़ म