Helth अजय सिंह

मुख्य सचिव ह कहिन पीलिया ले कोनो मौत झन होवय

रायपुर,1 मई 2018। राज्य शासन के मुख्य सचिव श्री अजय सिंह ह आज इहां मंत्रालय म स्वास्थ्य, लोक स्वास्थ्य यांत्रिकी अऊ नगर निगम रायपुर के वरिष्ठ अधिकारी मन के बैठक लेके कड़ा निर्देश दीन के राजधानी रायपुर संग राज्य के कोनो क्षेत्र म पीलिया ले कोनो के मौत झन होवय, ये सुनिश्चित करे जाए। उमन अइसन व्यवसायिक प्रतिष्ठान जेमा एसीड के उपयोग करे जात हे, अऊ उपयोग के बाद नाली म बोहा दे जाथे, उंखर जांच करके कड़क कार्रवाई करे के निर्देश दीन। नाली म बोहाए गए एसीड ले पेयजल के पाईप लाईन ल क्षति पहुंचथे अऊ प्रदूषित पानी पाईप लाईन ले होके घर मन तक पहुंच जाथे। जेकर सेती पीलिया, डायरिया, टायफाइड जइसे कई बीमारी मन फैलथे। मुख्य सचिव ह राज्य के जम्‍मो निजी अस्पताल मन ल पीलिया के ईलाज बर अस्पताल म पहुंचत प्रभावित मन के जानकारी संबंधित जिला प्रशासन ल देहे के निर्देश दीन।
बैठक म सचिव नगरीय प्रशासन डॉ. रोहित यादव, सचिव स्वास्थ्य सुश्री निहारिका बारिक, प्रमुख अभियंता लोक स्वास्थ्य यांत्रिकी श्री पी.जी. कोसरिया, कलेक्टर रायपुर श्री ओ.पी. चौधरी, नगर निगम आयुक्त रायपुर श्री रजत बंसल संग विभागीय वरिष्ठ अधिकारी उपस्थित रहिन।


मुहाचाही:  मुख्य सचिव के अध्यक्षता म स्कूल शिक्षा विभाग के समीक्षा