छत्तीसगढ़ राज्य बाल अधिकार संरक्षण आयोग

छत्तीसगढ़ राज्य बाल अधिकार आयोग के अध्यक्ष श्रीमती प्रभा दुबे ह करिस केन्द्रीय जेल रायपुर के निरीक्षण

रायपुर 05 मई 2018। छत्तीसगढ़ राज्य बाल अधिकार आयोग के अध्यक्ष श्रीमती प्रभा दुबे ह आज इहां केन्द्रीय जेल रायपुर के निरीक्षण करिन। ए दौरान श्रीमती प्रभा दुबे ह किशोर गृह म निवासरत लइका मन अऊ महिला सेल म निवासरत महिला मन अऊ ऊंखर छोटे लइका मन ले मुलाकात कर उंखर हालचाल जानिन। ए दौरान उमन जेल परिसर म स्थित शाला अऊ झूला घर के घलोक निरीक्षण अऊ अवलोकन करिन। उमन जेल प्रशासन ल निर्देश दीन के लइका मन बर रहन सहन, शिक्षा अऊ स्वास्थ्य बर बेहतर ले बेहतर व्यवस्था करव। उमन कहिन कि लइका मन ल कहूं इहां बेहतर माहौल मिलही त ऊंखर जीवन म सकारात्मक बदलाव आही अऊ ओ मन भविष्य म ज़िम्मेदार नागरिक बनहीं। बाल आयोग के अध्यक्ष ह इहां निवासरत लइका मन के आयु परीक्षण करके 18 साल ले कम आयु होए म ओ मन ल बाल संप्रेक्षण गृह भेजे के निर्देश घलोक जेल प्रशासन ल दीन। ए दौरान श्रीमती दुबे के संग आयोग के सदस्य श्रीमती इन्दिरा जैन घलोक मौजूद रहिन।


मुहाचाही:  राष्ट्रीय कृमि (चुरना) नियंत्रण दिवस के अवसर म श्रीमती प्रभा दुबे आज दुर्ग म