डॉ. रमन सिंह

प्रधानमंत्री उज्ज्वला योजना म अनुसूचित जाति अउ जनजाति के सबो परिवार मन ल दिए जाही रसोई गैस कनेक्शन : डॉ. रमन सिंह

  • सबो तेन्दूपत्ता संग्राहक परिवार मन अऊ अंत्योदय राशनकार्ड धारी मन ल घलोक मिलही योजना के लाभ
    हमर छत्तीसगढ़ योजना: मुख्यमंत्री ह पंचायत प्रतिनिधि मन के अपन निवास म करिन स्वागत

रायपुर, 03 अप्रैल 2018। मुख्यमंत्री डॉ. रमन सिंह ह आज संझा इहां अपन निवास म हमर छत्तीसगढ़ योजना के अंतर्गत राजधानी रायपुर के भ्रमण म आए पंचायत प्रतिनिधि मन ल सम्बोधित करत कहिन कि प्रधानमंत्री उज्ज्वला योजना के अंतर्गत अनुसूचित जाति, अनुसूचित जनजाति के सबो परिवार मन के संगें-संग तेन्दूपत्ता संग्राहक परिवार मन अऊ अंत्योदय राशनकार्ड के हितग्राही मन ल घलोक रसोई गैस कनेक्शन प्रदान करे जाही। उमन कहिन कि ए योजना म अब तक गरीब परिवार मन के 18 लाख महिला मन ल रसोई गैस कनेक्शन दीए गए हे। डॉ. सिंह ह बिलासपुर, महासमुन्द, मुंगेली अऊ रायगढ़ जिला ले आए 498 पंचायत परिवारों के अपन निवास म आत्मीय स्वागत करिन।



मुख्यमंत्री ह पंचायत परिवारों ल अपन-अपन गांव मन ल हरा-भरा अऊ साफ सुथरा बनाए अऊ निर्माण काम मन के गुणवत्ता के ध्यान रखे के समझाइश दीन। मुख्यमंत्री ह बताइस कि ‘सहज बिजली-हर घर बिजली’ (सौभाग्य) योजना के अंतर्गत अवइया जून महिना तक प्रदेश के बिजली कनेक्शन विहीन लगभग पांच लाख 60 हजार घर मन संग सबो मजरा-टोला मन म बिजली पहुंचाए के लक्ष्य निरधारित करे हें। मुख्यमंत्री ह पंचायत परिवारों ले शासन के जनकल्याणकारी योजना मन के लाभ जादा ले जादा मनखे मन ल देवाए के आग्रह करिन। उमन बताइन कि प्रधानमंत्री स्वास्थ्य सुरक्षा योजना के अंतर्गत निःशुल्क इलाज के सीमा 30 हजार ले बढ़ाके 50 हजार रूपिया कर दे गए हे। डॉ. सिंह ह कहिन कि रायपुर अऊ नया रायपुर के दू दिन के भ्रमण म आप मन ल काफी कुछ सीखे ल मिले होही। अपन गांव म योजना मन के सही क्रियान्वयन करे के प्रयास करव। ए अवसर म संसदीय सचिव श्री तोखन साहू घलोक उपस्थित रहिन। पंचायत प्रतिनिधि मन ह विधानसभा, विज्ञान केन्द्र, इंदिरा गांधी कृषि विश्वविद्यालय, जंगल सफारी, बॉटनिकल गार्डन, अंतर्राष्ट्रीय क्रिकेट स्टेडियम के घलोक भ्रमण करिन।


मुहाचाही:  मुख्यमंत्री ले हिन्दी फिल्म के पाश्र्वगायक श्री सुरेश वाडकर ह सौजन्य मुलाकात करिस