Lok Suraj

कलावती के रंधनी ल मिलीस एलपीजी गैस के सहारा : अब तक चूल्हा ले बनावत रहिन जेवंन

धमतरी 13 मार्च 2018। स्थानीय दानीटोला वार्ड म रहइया श्रीमती कलावती चक्रधारी ल अब एलपीजी रसोई गैस के सहारा मिल गए हे। उंखर आंखी पारम्परिक लकड़ी के ईंधन वाले चूल्हा ले लाल नइ होही। स्थानीय विंध्यवासिनी वार्ड के सामुदायिक भवन म लोक सुराज अभियान-2018 के तहत नगरपालिक निगम कोति ले आयोजित समाधान शिविर के बेरा महापौर श्रीमती अर्चना चौबे अऊ कलेक्टर डॉ. सी.आर. प्रसन्ना कोति ले ओ मन ल प्रधानमंत्री उज्ज्वला योजना के तहत रसोई गैस कनेक्शन अउ चूल्हा सेट प्रदान करे गीस। बातचीत के समय श्रीमती चक्रधारी ह बताइस कि वो अऊ ऊंखर पति ईंटभट्ठा म दिहाड़ी मजदूरी करथें अउ शुरूच ले चूल्हा म जेवंन बनात रहिन। उमन ये घलोक बताइन कि रसोई गैस ल वो ह अपन जीवन म पहली पइत बउरही। अड़बड़ खुस होवत श्रीमती कलावती ह कहिन कि ‘सुने हंव के एखर से खाना लउहे बनथे अऊ एखर से धुआं घलोक नइ उठय। अइसन म मोला अऊ मोर पति ह बांचे समय ल काम अऊ आन मजदूरी काम म लगा सकबोन।‘ ऊंखर अलावा कु. धमेश्वरी, श्रीमती महेश्वरी, दुर्गा अऊ सुरेखा ल घलोक आज आयोजित शिविर म गैस कनेक्शन दे गीस। सबो ह कहिन कि समाधान शिविर म सिरतोन म ऊंखर दुख के निराकरण होय हे।



मुहाचाही:  वीडियो: लोक सुराज अभियान के झलक