Desh

प्रधानमंत्री ह राष्ट्रीय ग्रामीण स्वराज अभियान के करिस शुरूआत

मंडला, 24 अप्रैल 2018। प्रधानमंत्री श्री नरेन्द्र मोदी ह मध्यप्रदेश के मंडला म एक सार्वजनिक सभा म आज राष्ट्रीय ग्रामीण स्वराज अभियान के शुरूआत करिन। उमन अवइया पांच साल म जनजाति मन के सम्पूर्ण विकास बर एक रोडमैप के अनावरण करिन। प्रधानमंत्री ह मंडला जिला के मनेरी म भारतीय रेल निगम के एक एलपीजी बॉटलिंग प्लांट के आधारशिला घलव रखिन। उमन एक स्थानीय सरकारी डायरेक्टरी घलोक लांच करिन।
प्रधानमंत्री ह गांव मन के वो सरपंच मन के स्वागत करिन, जिमन शत-प्रतिशत धुआं रहित रसोइ, मिशन इन्द्रधनुष के तहत शत-प्रतिशत टीकाकरण अऊ सौभाग्य योजना के तहत शत-प्रतिशत विद्युतीकरण के लक्ष्य हासिल करे हें। मध्यप्रदेश के मंडला म देशभर ले आये पंचायती राज प्रतिनिधि मन ल संबोधित करत प्रधानमंत्री ह महात्मा गांधी के ग्रामोदय ले राष्ट्रोदय अऊ ग्राम स्वराज ल सुरता करिन। उमन कहिन कि राष्ट्रीय पंचायती राज दिवस के मौका म मध्यप्रदेश आके वो खुशी महसूस करत हें। उमन कहिन कि महात्मा गांधी हमेशा गांव मन के महत्व उपर जोर देवत रहिन अऊ ग्राम स्वराज के बात करत रहिन। उमन सबो मनखे मन ले गांव मन के सेवा करे के संकल्प लेहे के आग्रह करिन।


मुहाचाही:  भारत ह बैलिस्टिक मिसाइल 'प्रहार' के करिस सफल परीक्षण