डॉ. रमन सिंह

मुख्यमंत्री ह अम्बेडकर जयंती समारोह म करे गीस पुस्तिकाओं के विमोचन

रायपुर, 14 अप्रैल 2018। मुख्यमंत्री डॉ. रमन सिंह ह आज बिहनिया राजधानी रायपुर म भारतीय संविधान के महान शिल्पकार बाबा साहब डॉ. भीमराव अम्बेडकर के जयंती के अवसर म आयोजित समारोह म आदिम जाति अऊ अनुसूचित जाति विकास विभाग अउ राज्य अनुसूचित जाति आयोग कोति ले प्रकाशित पुस्तिका मन के विमोचन करिन। नगर निगम रायपुर अऊ जिला प्रशासन कोति ले ये समारोह स्थानीय घड़ी चौक स्थित डॉ. अम्बेडकर के प्रतिमा के आघू करे गीस। मुख्यमंत्री कोति ले विमोचित पुस्तिका मन म ले एक पुस्तिका जाति प्रमाण पत्र जारी करे, सत्यापित करे अऊ निरस्त करे के संबंध म शासन के दिशा-निर्देश उपर अऊ दुसर पुस्तिका अनुसूचित जाति -जनजाति अत्याचार निवारण अधिनियम 1989 अउर विभागीय योजना मन उपर आधारित हे। दुनों पुस्तिका मन के प्रकाशन आदिम जाति अउ अनुसूचित जाति विकास विभाग कोति ले करे गए हे। मुख्यमंत्री ह ए अवसर म ’संविधान पुरूष-भारत रत्न डॉ. भीमराव अम्बेडकर’ सीरसक ले प्रकाशित पुस्तिका के घलोक विमोचन करिन, जऊन डॉ. अम्बेडकर के जीवनगाथा उपर केन्द्रित हे। एकर प्रकाशन छत्तीसगढ़ राज्य अनुसूचित जाति आयोग कोति ले आदिम जाति अउ अनुसूचित जाति विकास विभाग के मार्गदर्शन म करे गए हे। समारोह म विधानसभा अध्यक्ष श्री गौरीशंकर अग्रवाल, नगर निगम रायपुर के महापौर श्री प्रमोद दुबे, छत्तीसगढ़ राज्य अल्पसंख्यक आयोग के अध्यक्ष श्री सुरेंद्र सिंह कैम्बो, सदस्य श्री तौकीर रजा, छत्तीसगढ़ राज्य पिछड़ा वर्ग आयोग के अध्यक्ष डॉ. सियाराम साहू, छत्तीसगढ़ राज्य अनुसूचित जनजाति आयोग के उपाध्यक्ष श्री विकास मरकाम, नगर निगम रायपुर के सभापति श्री प्रफुल्ल विश्वकर्मा, रायपुर विकास प्राधिकरण के अध्यक्ष श्री संजय श्रीवास्तव, पूर्व महापौर श्री सुनील सोनी, पूर्व पार्षद श्री सुनील बांदरे संग बहुत अकन जनप्रतिनिधि अऊ बड़ संख्या म नागरिक उपस्थित रहिन।

मुहाचाही:  सांकरा ग्राम पंचायत ल मिलीस दीनदयाल उपाध्याय पंचायत सशक्तिकरण पुरस्कार