राजेश मूणत

मूणत ह रायपुर शहर के 12 महिला स्व-सहायता समूह मन ल छै लाख के राशि बांटिस

रायपुर, 09 अपरेल 2018। लोक निर्माण मंत्री श्री राजेश मूणत ह आज इहां अपन निवास परिसर म रायपुर शहर के छै वार्ड मन के 12 महिला स्व-सहायता समूह मन ल छै लाख रूपिया के राशि बांटिस। छत्तीसगढ़ महिला कोष ऋण योजना के तहत स्वीकृत ए राशि म ले हर एक समूह ल 50-50 हजार रूपिया प्रदान करे गीस। लोक निर्माण मंत्री श्री मूणत ह ए अवसर म सबो समूह मन ल राशि के बेहतर उपयोग करे बर कहिन अऊ ऊंखर खुशहाल जीवनयापन बर अपन शुभकामना दीन।




छत्तीसगढ़ महिला कोष ऋण योजना के लाभान्वित ये सबो समूह एकीकृत बाल विकास परियोजना रायपुर शहर के अंतर्गत सामिल हें। एमां आत्मानंद वार्ड के अर्जुन नगर के जनसेवा स्व-सहायता समूह अऊ सृजन स्व-सहायता समूह ल राशि के वितरण करे गीस। अइसनहे मनमोहन सिंह बख्शी वार्ड के ढीमरपारा के दृष्टि स्व-सहायता समूह, मधुर स्व-सहायता समूह अउ उज्ज्वला स्व-सहायता समूह ल लाभान्वित करे गीस। दीनदयालय उपाध्याय वार्ड के जय मां अम्बे राजीव लोचन महिला स्व-सहायता समूह अऊ कन्हैयालाल वार्ड के दीनदयाल उपाध्याय नगर गुढ़ियारी ले पाटमेश्वरी महिला स्व-सहायता समूह, गौरव स्व-सहायता समूह अउ महिला मित्र स्व-सहायता समूह अऊ नारी एकता महिला स्व-सहायता समूह ल राशि के वितरण करे गीस। बाल गंगाधर तिलक वार्ड के एकता नगर के जीवन आधार महिला स्व-सहायता समूह अऊ रामकृष्ण परमहंस वार्ड स्थित गुढ़ियारी के जागृति महिला स्व-सहायता समूह ल लाभान्वित करे गीस।



मुहाचाही:  राज्य म होवत हे 24 लाईवलीहुड कॉलेज भवन मन के निर्माण