राजेश मूणत रायपुर

श्री मूणत ह राजधानी के तीन वार्ड म तीन करोड़ के विकास काम मन के करे गीस भूमिपूजन

  • रायपुरा म सामुदायिक भवन अउ शीतला मंदिर डूमरतालाब के सौन्दर्यीकरण के घोषणा
  • अग्रोहा कॉलोनी रायपुरा म 36 लाख ले बनही उद्यान

रायपुर, 11 जुलाई 2018। लोक निर्माण मंत्री श्री राजेश मूणत ह आज राजधानी रायपुर के तीन वार्ड मन म करीबन तीन करोड़ रूपिया के राशि के विकास काम मन के भूमिपूजन करे गीस। एमां माधवराव सप्रे वार्ड म दू करोड़ 54 लाख 37 हजार रूपिया, पं. ईश्वरीचरण शुक्ल वार्ड म 72 लाख 70 हजार रूपिया अऊ संत रविदास वार्ड म 73 लाख 84 हजार रूपिया के लागत ले होवइया सड़क, सीसी रोड, तालाब सौन्दर्यीकरण, उद्यान अउ नाली निर्माण अऊ बिजली अउ पेयजल व्यवस्था संबंधी काम सामिल हे। ए दौरान श्री मूणत ह रायपुरा म खेल मैदान बर 50 लाख रूपिया अउ डूमरतालाब मोहल्ला म शीतला मंदिर तालाब के सौन्दर्यीकरण अउ सामुदायिक भवन के निर्माण अऊ सरोना म विश्वकर्मा समाज बर सामुदायिक भवन निर्माण के घोषणा घलोक करिन।




लोक निर्माण मंत्री श्री मूणत ह जनसमुदाय ल सम्बोधित करत कहिन के सरकार कोति ले नगर के हर एक वार्ड के विकास बर बहुत राशि देहे जात हे। एखर तहत उहां जन सुविधा मन के विस्तार बर सड़क अउ सीसी रोड के निर्माण संग बिजली अउ पानी आदि के व्यवस्था बर तत्परतापूर्वक काम कराए जात हे। उमन बताइस कि आज भूमिपूजन होए काम मन के अंतर्गत प्रमुख रूप ले रायपुरा के अग्रोहा कॉलोनी म 36 लाख रूपिया के राशि ले उद्यान के निर्माण करे जाही। एखर अलावा रायपुरा म ही करीबन 27 लाख रूपिया के राशि ले सतनामी समाज बर सामुदायिक भवन के निर्माण होही। अइसनहे ए तीनों वार्ड मन के कई ठन गली-मोहल्ला म सड़क, सीसी रोड अउ नाली निर्माण अऊ बिजली, पानी ले संबंधित काम कराए जाही।
श्री मूणत ह कहिन – सरकार कोति ले मनखे मन के उत्थान बर बहुत अकन कार्यक्रम चलाए जात हे। एमां प्रधानमंत्री उज्ज्वला योजना, प्रधानमंत्री उजाला योजना, सौभाग्य योजना, आयुष्मान भारत योजना, मुख्यमंत्री खाद्यान्न सुरक्षा योजना अउ मुख्यमंत्री स्वास्थ्य सुरक्षा बीमा आदि योजना मन के बारे म विस्तार ले बताइस। उमन बताइस कि अभी हाले म नगर के वार्ड मन म स्वास्थ्य सुरक्षा बीमा बर शिविर लगाके स्मार्ट कार्ड बनाए जात हे। उमन कहिन कि एखर तहत अभी हाले म हितग्राही मन ल 50 हजार रूपिया तक इलाज के सुविधा हे। श्री मूणत ह ये घलोक बताइस कि आयुष्मान भारत योजना के तहत गरीब परिवार मन ल पांच लाख रूपिया तक इलाज के सुविधा देहे जाही।
कार्यक्रम ल नगर पालिक निगम रायपुर के महापौर श्री प्रमोद दुबे ह सम्बोधित करत कहिन कि राजधानी के वार्ड मन म सरलगर होवत विकास साफ-साफ दिखाई देवत हे। ए सबो वार्ड मन म पहिली के स्थिति म बिक्‍कट बदलाव घलोक आए हे। अइसनहे नगर पालिक निगम रायपुर के सभापति श्री प्रफुल्ल विश्वकर्मा, पार्षदगण श्रीमती मीनल चौबे, श्री दीनबंधु ठाकुर, श्रीमती अश्वनी धु्रव अऊ श्री सोनम ठाकुर ह घलोक सम्बोधित करिन।



मुहाचाही:  प्रधानमंत्री के वीडियो कॉन्फ्रेसिंग : सबो राज्य मन ल ड्रिप अऊ स्प्रिंकलर सिंचाई म ध्यान देहे के निर्देश