Rajyapal रायपुर

राज्यपाल ले भारतीय पुलिस सेवा के प्रशिक्षु अधिकारी मन ह करिन सौजन्य भेंट

रायपुर, 29 जून 2018। राज्यपाल श्री बलरामजी दास टंडन ले आज इहां राजभवन म भारतीय पुलिस सेवा के प्रशिक्षु अधिकारी मन ह सौजन्य भेंट करिन। ए अवसर म श्री संजय पिल्ले, अकतहा पुलिस महानिदेशक (प्रशिक्षण), राज्यपाल के सचिव श्री सुरेन्द्र कुमार जायसवाल, आई.जी. प्रशिक्षण श्री एस.आर.पी. कल्लुरी घलोक उपस्थित रहिन।
राज्यपाल श्री टंडन ह प्रशिक्षु अधिकारी मन के छत्तीसगढ़ आगमन म स्वागत करिन अऊ ओ मन ल अपन सेवाकाल म जनहित बर निरंतर काम करे अउ आगू बढ़े के शुभकामना दीन। उमन कहिन कि लोक कल्याण बर कुछ अइसन काम करव जऊन दूसर मन बर मिसाल बन सकय। उमन कहिन कि आप मन सबो असंभव ल संभव करइया काम करव, जऊन आन मनखे मन बर घलोक प्रेरणास्पद रहय।
आप मन जानतेच होहू के भारतीय पुलिस सेवा के प्रशिक्षु अधिकारी अपन प्रशिक्षण के अन्तर्गत छत्तीसगढ़ प्रवास म हे। प्रशिक्षु अधिकारी मन म सुश्री रेशमा रमेशन, सर्व श्री आदर्श राजेन्द्रन, टी. बेनिथ, केतन बंसल, अल्बर्ट जॉन, के. रामराजन, आर. आनंद, सचिन सिंघल, हरिराम शंकर, के.व्ही. अशोक, नितिन दत्तात्रेय, मेहताब सिंह, अजीत सिंह शिखावत अऊ सिद्धार्थ कौशल सामिल रहिन।



मुहाचाही:  राष्ट्रीय खनिज विकास निगम के परिक्षेत्र विकास निधि के उच्‍च स्तरीय समिति के बैठक पूरा