Rajyapal रायपुर

राज्यपाल ले युगाण्डा म पदस्थ भारत के उच्चायुक्त ह करिन सौजन्य भेंट

रायपुर, 28 जून 2018। राज्यपाल श्री बलरामजी दास टंडन ले आज इहां राजभवन म युगाण्डा म पदस्थ भारत के उच्चायुक्त श्री रविशंकर ह सौजन्य भेंट करिन। ए अवसर म राज्यपाल के सचिव श्री सुरेन्द्र कुमार जायसवाल अउ वाणिज्य अउ उद्योग सचिव डॉ. कमलप्रीत सिंह घलोक उपस्थित रहिन। राज्यपाल श्री टंडन ह श्री रविशंकर के छत्तीसगढ़ आगमन म स्वागत करिन अऊ शुभकामना दीन। भेंट के समय भारत अऊ युगाण्डा के संबंध के बारे म विस्तार ले चर्चा करे गीस। श्री रविशंकर ह बताइस कि युगाण्डा म भारतीय मन बर कृषि अउ कृषि प्रसंस्करण के क्षेत्र म व्यापार करे के बिक्‍कट संभावना हवय। उमन बताइन कि युगाण्डा के अर्थव्यवस्था म भारतीय मन के महत्वपूर्ण योगदान हे। श्री रविशंकर ह बताइस कि व्यापार के क्षेत्र म भारत, युगाण्डा के महत्वपूर्ण सहयोगी हे। उमन कहिन कि छत्तीसगढ़ के उद्योगपति घलोक उहां निवेश कर सकत हें।



मुहाचाही:  राज्यपाल श्री टंडन ले कामधेनु विश्वविद्यालय के कुलपति ह करिस सौजन्य भेंट