बलरामपुर रामसेवक पैकरा

राष्ट्रीय पंचायत दिवस म कई ठन कार्यक्रम आयोजित

पंचायत प्रतिनिधि मन ह सुनिन देश के प्रधानमंत्री के सम्बोधन : ग्राम पंचायत अउ गांव स्वच्छ, सुन्दर अउ शिक्षित बनय – गृहमंत्री

बलरामपुर 24 अप्रैल 2018। प्रजातंत्र म पंचायत ल अधिकार हे कि गांव के विकास जनता के फायदा बर होवय अऊ हर एक गांव ल स्वच्छ, सुन्दर अउर शिक्षित बनाए के जिम्मेदारी सब पंचायत प्रतिनिधि मन के होनी चाही। ये विचार प्रदेश के गृह, जेल अउ लोक स्वास्थ्य यांत्रिकी मंत्री श्री रामसेवक पैकरा ह आज राष्ट्रीय पंचायत दिवस के अवसर म व्यक्त करिन। कार्यक्रम म अपन पंचायत म शत्-प्रतिशत प्रधानमंत्री आवास निर्माण करइया सरपंच मन ल सम्मानित करिन।
जिला मुख्यालय बलरामपुर के डी.पी.आर.सी. भवन म 24 अप्रैल के दिन राष्ट्रीय पंचायत दिवस मनाए गीस। ए अवसर म प्रदेश के गृह, जेल अउ लोक स्वास्थ्य यांत्रिकी मंत्री श्री रामसेवक पैकरा ह कहिन कि आम जनता के जीवन म बदलाव कइसे आथे? हम देखत हवन के अशिक्षा के कारण हमर विकास रूके हे। देश के पहिली प्रधानमंत्री श्री अटल बिहारी बाजपेई ह छत्तीसगढ़ राज्य के निर्माण करिस, तब ले छत्तीसगढ़ प्रदेश के विकास तेजी ले होवत हे। पूर्व प्रधानमंत्री ह प्रधानमंत्री ग्राम सड़क योजना बनाके ग्रामीण बसाहट ल पक्का सड़क ले जोरे के अद्भूत काम करिस। गृहमंत्री ह कहिन कि गांव के मूलभूत विकास म पेयजल हमर सर्वोच्च प्राथमिकता होना चाही। एखर संग गांव ह सुन्दर, स्वच्छ अउ शिक्षित कइसे बने, ए खातिर काम करे के जरूरत हे अउ बजट के उपलब्धता के आधार म काम कराना हे। उमन कहिन कि कोनो पंचायत के अन्दर रहइया पात्र अउ जरूरतमंद मनखे ल शासन के जन कल्याणकारी योजना के लाभ दिलाना, महिला स्व सहायता समूह मन ल कम ब्याज म ऋण देवाके ओ मन ल आत्मनिर्भर बनाना अउ गांव के पढ़े-लिखे शिक्षित बेरोजगार मन ल कौशल प्रशिक्षण देवाके खुद के रोजगार अउ व्यवसाय स्थापित करके आत्मनिर्भर बनाना हे। गृहमंत्री ह राष्ट्रीय पंचायत दिवस के अवसर म देश के प्रधानमंत्री श्री नरेन्द्र मोदी कोति ले देश के जनता के सम्बोधन के संबंध म जानकरी दीन अऊ 2022 तक किसान मन के आय दुगुना करे बर गन्ना अउ लाभदायक फसल लेहे बात करिन।


मुहाचाही:  मनखे मन के समस्या मन ल जाने के अभियान ये लोक सुराज - श्री पैकरा