दुर्ग श्रीमती रमशिला साहू

श्रीमती रमशीला साहू निकुम म करिस विकास कार्य मन के लोकार्पण अऊ भूमिपूजन

कई ठन शासकीय योजना मन के तहत 121 हितग्राही मन ल सामान अऊ 1498 गांव वाले मन ल आबादी पट्टा वितरित

दुर्ग, 11 जुलाई 2018। महिला अउ बाल विकास अउ समाज कल्याण मंत्री श्रीमती रमशीला साहू दुर्ग जिला के ग्राम पंचायत निकुम म आयोजित शिविर म सामिल होइन। ए दौरान श्रीमती साहू ह पंचायत निकुम म दू सामुदायिक भवन के भूमिपूजन करिन अऊ एक-एक सामुदायिक भवन, व्यावसायिक परिसर, नवयुवक भवन, रविदास मंगल भवन, कर्मा भवन म अकतहा कमरा के लोकार्पण करिन।
शिविर म श्रीमती साहू ह शिविर म प्रधानमंत्री आवास योजना के तहत 07 हितग्राही मन ल स्वीकृति प्रमाण पत्र, प्रधानमंत्री उज्जवला योजना के तहत 41 हितग्राही मन ल प्रमाण पत्र अउ गैस सिलिंडर चूल्हा, मुख्यमंत्री सायकिल योजना अंतर्गत 52 हितग्राही मन ल स्वीकृति प्रमाण पत्र, 04 हितग्राही मन ल मुख्यमंत्री औजार सहायता योजना के प्रमाण पत्र, कृषि विभाग ले 13 हितग्राही मन ल राहेर अउ तिली के मिनिकिट अउ उद्यानिकी विभाग कोति ले 04 हितग्राही मन ल सामान वितरण करे गीस। एखर अलावा ग्राम निकुम के 502, ग्राम आलबरस के 363, ग्राम तिरगा के 438 अउ झोला के 195 हितग्राही मन ल आबादी पट्टा वितरण करे गीस।




शिविर ल संबोधित करत श्रीमती साहू ह शासन के सबो महत्वपूर्ण योजना जइसे प्रधानमंत्री उज्जवला योजना के तहत गैस चूल्हा वितरण, प्रधानमंत्री घर योजना, प्रधानमंत्री जनधन योजना, स्वच्छता अभियान के तहत शौचालय निर्माण, आयुष्मान भारत, सौभाग्य योजना जेखर तहत गरीब कुटुंब ल विद्युत कनेक्शन के जानकारी दीन श्रीमती साहू ह ग्रामवासि मन ले ए सबो योजना मन के बारे म जादा ले जादा मनखे ल बताय के अपील घलोक करिन ताकि जादा ले जादा मनखे मन ल लाभान्वित करे जा सकय। ए कार्यक्रम म क्षेत्र के जन प्रतिनिधि अऊ विभागीय अधिकारी मन संग 4 गांव निकुम आलबरस, तिरगा अउ झोला ले बड़ संख्या म ग्रामीण सामिल होइन।



मुहाचाही:  महिला अउ बाल विकास, समाज कल्याण मंत्री श्रीमती रमशीला साहू आजीविका अऊ कौशल विकास मेला म संघरिन